Lajme

Rreth 300 fluturime të anuluara si pasojë e grevës në Eurowings

Autori: Gazeta inFokus 14:19 | 19 October 2022

Rreth 300 fluturime të kompanisë Eurowings janë anuluar të mërkurën, sipas kompanisë amë Lufthanasa, si pasojë e grevës së pilotëve, të cilët janë duke kërkuar kushte më të mira të punës.

Të mërkurën është shënuar dita e tretë dhe e fundit e grevës për këtë javë.

Greva ka prekur dy të tretat e 450 fluturimeve të planifikuara.

-Advertisement-

“Ne presim që t’iu kthehemi operacioneve normale të fluturimit të enjten”, kanë thënë nga Lufthansa.

Një zëdhënës i sindikatës së pilotëve ka thënë se grevat e planifikuara për këtë javë do të përfundojnë në mesnatë.

Ende nuk është e qartë nëse palët do të kthehen në tavolinën negociuese.

Një prej pikave kyçe ka qenë e lidhur me numrin e ditëve të lira të pushimit.

Pilotët kanë kërkuar 14 ditë pushim, mirëpo kompania ajrore aktualisht ofron 10./REL

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme