Rreth 20 pacientë marrin plazmën e gjakut, infektologët thonë se janë në pritje të efekteve
Autori: Gazeta inFokus 09:52 | 28 February 2021
Kosova ende nuk ka siguruar asnjë dozë të vaksinës kundër koronavirusit, por tashmë pacientët e shtrirë në Klinikën Infektive kanë nisur të marrin si terapi mbështetëse, trajtimin me plazmën konvalescente. Rreth 20 pacientë kanë marr këtë përbërës të gjakut, por infektologët thonë se ende është herët të flitet për efektet e këtij trajtimi. Ndërsa, nga Qendra Kombëtare e Kosovës për Transfuzion të Gjakut (QKKTGJ) thonë se nuk kanë rezerva të mjaftueshme të plazmës së gjakut.
Infektologu i Klinikës Infektive, Izet Sadiku thotë se në javët e fundit ka nisur aplikimi i plazmës konvalescente në këtë klinikë, por sipas tij ende është herët të flitet për efektet e këtij lloj trajtimi te pacientëve me koronavirus.
Ai thotë se deri tani rreth 20 pacientë kanë marr këto doza të gjakut.
“Sigurisht që ka filluar në dy-tri javët e fundit aplikimi i plazmës konvalescente tek ne, ndërsa në vendet tjera e dimë që ka nisur shumë moti, për efektet është herët me fol sepse është një numër shumë i vogël i pacientëve dhe nuk mund të jepen rekomandime. Konsiderohet se si edhe në vendet tjera që plazma konvalescente mund të ndihmojë pacientin. Për këtë arsye te format e rënda kemi filluar sipas protokollit të hartuar nga Ministria e Shëndetësisë, ka filluar aplikimi i plazmës konvalescente. Për rezultatet mund të flasim në një periudhë më të vonshme kur kemi numër më të madh të rasteve që kanë marr këtë trajtim…Duhet të jetë 15 deri 20 pacientë që kanë marr këtë dozë…..Një deri dy doza mund t’u jepen pacientëve që kanë COVID-19”, theksoi Sadiku.
Sa i përket sasisë së grumbulluar të plazmës konvalescente, Bukurije Zhubi, drejtoreshë e Qendrës Kombëtare të Kosovës për Transfuzion të Gjakut (QKKTGJ), thotë se deri më tani kanë rreth 300 dhurues të plazmës konvalescente, por vetëm 35 prej këtyre dozave i kanë plotësuar kushtet për përdorim.
Zhubi apeloi tek qytetarët që kanë kaluar COVID-in që të dhurojnë gjak, pasi rezervat aktuale të plazmës konvalescente nuk janë të mjaftueshme.
“Kemi grumbulluar një sasi të konsiderueshme të plazmave konvalescente domethënë janë dikur rreth 300 por jo të gjitha i plotësojnë kushtet për përdorim sepse ato duhet t’i kenë prezencën e antitrupave SARS-COV2, dhe ato që të plotësojnë kushtet kalojnë dhe prej tyre janë 35 doza deri tani të cilat i kanë plotësuar kushtet për përdorimin e plazmës konvalescente….Karakteristikë e plazmës konvalescente që dallon nga plazma e zakonshme është se vetëm prezenca e antitrupave anti-SARS-COV2, ndërsa pjesa tjetër ngelet e njëjtë, ruhen apo ngrihen në temperatura të ulëta deri në -40 gradë celsius dhe ruhen si të tilla deri në 1 vit. Përndryshe rezerva aktuale e plazmës konvalescente nuk është e mjaftueshme kështu mendoj se duhet të bëhet apel tek qytetarët dhuroni plazma shpëtoni jetë“, theksoi Zhubi.
Drejtoresha e QKKTGJ për KosovaPress i ka treguar edhe disa nga parametrat që duhet t’i plotësojnë dhuruesit e gjakut, si dhe mënyrën e ruajtjes së plazmës konvalescente.
“Tranfuzioni i Gjakut ka qenë gjithmonë i gatshëm dhe tani është i gatshëm që të bëjë grumbullimin e dozave të plazëve nga pacientët të cilët kanë kaluar dhe janë shëruar me COVID-19. Sigurisht që për një procedurë të tillë duhet të ekzitojnë kushte shtesë për të arritur që të krijojmë rezerva të një produkti të tillë. Kemi dy kushte që duhet t’i plotësojë dhuruesi që vjen të dhuroj plazmën konvalescente fillimisht duhet ai t’i plotësojë kriteret e përgjithshme të një dhuruesi standard të gjakut , dhe pastaj gjithashtu t’i plotësojë kërkesat specifike në këtë rast kalimin e sëmundjes COVID-19, kalimi i sëmundjes që dokumentohet me ndonjë dokument përmes testit PCR, serologjik që vërteton prezencën e antitrupave në plazmën e dhuruesit”, theksoi Zhubi.
Kosova në janar ka miratuar Udhëzuesin për trajtim me Plazmë Konvalescente të pacientëve me Covid-19 si terapi mbështetëse.
Të tjera
-
Itali/ Shembet rruga në Romë, gropa e madhe “përpin” 2 makina të parkuara (Pamje)
Diçka e pazakontë ndodhi në orët e para të 28 marsit në Romë të Italisë ku nj...
-
Tërmet i fortë në Itali, alarm edhe në Slloveni e Kroaci
EMSC njoftoi se të mërkurën në mbrëmje, rreth orës 22:19, veriu i Italisë u g...
-
BQK: Dërgesat e mërgatës deri në shkurt arritën në mbi 174 milionë euro
Rreth 88 milionë euro është vlera preliminare e dërgesave të mërgatës që janë...
-
Rritet numri i turistëve të huaj që vizitojnë Kosovën
Numri i turistëve të huaj që vizitojnë Kosovën është duke u rritur dita ditës...
-
Abdixhiku për tenderët njëburimor: Prokuroria Speciale duhet ta bëjë punën e vet, mosveprimi është aprovim i kësaj praktike
Kryetari i LDK’së, Lumir Abdixhiku, ka thënë se një kompani ka marrë tender s...
-
AMMK: Kosova në gjendje të rënduar të cilësisë së ajrit për shkak të pluhurit të Saharës
Agjencioni për Mbrojtjen e Mjedisit të Kosovës, ka dalë me një sqarim mbi sit...
-
“Turp”, Haki Abazi ankohet se që tri vjet s’ka mikrofon në Kuvend
Deputeti Haki Abazi është ankuar për mungesën e mikrofonave sot në Kuvendin e...
-
“Kryerrenc”, “derri dhe qingji”- deputeti i PDK’së i ashpër me Kurtin dhe deputetët e VV’së
Deputeti i PDK-së në Kuvendin e Kosovës, Ardian Kastrati, në seancën e jashtë...
-
“Dimal Basha, ulu!”, Konjufca i reagon deputetit të Vetëvendosjes që e pengoi deputeten e LDK-së në foltore
Derisa në foltoren e Kuvendit të Kosovës po fliste deputetja e LDK-së, Doarsa...
-
Humb jetën tragjikisht në vend të punës kosovari në Itali
Një ngjarje e rëndë ka ndodhur në Itali, ku një person nga Kosova ka humbur j...
-
E quan ish anëtare të partisë, Manxhuka i reagon Von Cramon për akuzat se po kufizojnë lirinë e shprehjes
Zëdhënësi i Lëvizjes Vetëvendosje, Arlind Manxhuka, i ka reaguar Raportueses ...
-
“Vajzat e gratë në hapësirat e UP-së nuk janë të sigurta”, vendosen jastëk para Rektoratit të UP’së
Organizata “QIKA” ka vendosur disa jastëk para Rektoratit të Universitetit të...