Rregullorja e re e Kuvendit me dispozita kundër kushtetuese, kërkohet të shqyrtohen mes dy leximeve
Autori: Gazeta inFokus 13:48 | 01 May 2022
Megjithëse para dy muajsh, Kuvendi i Kosovës ka miratuar në lexim të parë rregulloren e re, e njëjta po konsiderohet se ka elemente kundër kushtetuese. Konferenca e kryetarëve, sanksionimi i deputetëve dhe mocioni individual i mosbesimit, po vlerësohen nga shoqëria civile se bien ndesh me aktin më të lartë juridik në vend. Për të këtë arsye kërkojnë të bëhen ndryshimet e nevojshme para miratimit në lexim të dytë në Kuvend.
Nga partia në pushtet, Lëvizja Vetëvendosje nuk pranuan të flasin për këto pretendime, ndërsa në partinë opozitare, PDK thonë se nuk do ta përkrahin rregulloren e re të Kuvendit nëse ka ndonjë dispozitë në kundërshtim me Kushtetutën.
Gzim Shala nga Instituti i Kosovës për Drejtësi (IKD) thotë për KosovaPress, se konferenca e kryetarëve që është paraparë në rregulloren e re, ndërhynë në kompetencat e kryesisë dhe të kryetarit të Kuvendit.
“Ka një sërë çështjesh problematike si në aspektin kushtetues, ashtu edhe në aspektin e praktikave të mira që duhen të adresohen nga ana e Kuvendit në mes dy leximeve. Njëra prej tyre është aspekti i sanksionimit të deputetëve dembel që nuk marrin pjesë në punimet e Kuvendit. E para është se duhet të njohin faktin se është shumë legjitime nëse merren masa ndaj deputetëve që pa asnjë arsye mungojnë dhe nuk marrin pjesë në punimet e Kuvendit. Por duhet të pasur parasysh se deputetëve dhe veçanërisht atyre të opozitës duhet t’iu njihet e drejta e bojkotit politik…Konferenca e kryetarëve të grupeve parlamentare, kompetencat e së cilës ndërhyjnë në kompetencat e kryesisë së Kuvendit dhe kryetarit të Kuvendit. Për këtë arsye, IKD rekomandon që të fuqizohet roli i kryesisë së Kuvendit të Kuvendit, ku janë të përfaqësuara të gjitha grupet opozitare dhe jo të shkohet në një konferencë të kësaj natyre. Pasi nëse kësaj konference ia heqim këto kompetenca jo kushtetuese dhe ndërhynë në kompetencat e institucioneve të tjera, atëherë roli i kësaj konference bëhet jo relevant”, thotë ai.
Nga ana tjetër, deputeti i PDK-së, Hajdar Beqa thotë për KosovaPress, se kanë 13 amendamente për rregulloren e re të Kuvendit në lexim të dytë.
Ai është optimist se në lexim të dytë, para miratimit në Kuvend, do të përmirësohen elementet që po konsiderohet në kundërshtim me Kushtetutën.
“Rregullorja ka qenë kërkesë e disa legjislaturave, është punu shumë për me ardh deri këtu dhe ka kaluar në lexim të parë. Kemi amendamente edhe ne si PDK, i kemi diku 13 amendamente dhe ne do t’i përkrahim gjitha ato ndryshime që janë me rregullore të re të cilat nuk janë në kundërshtim me Kushtetutën e Kosovës. Nuk mundemi të përkrahim një rregullore e cila ka ndonjë dispozitë të caktuar që është në kundërshtim me Kushtetutën. Megjithatë unë mendoj se grupi punues mes dy leximeve do të jep kontributin e vet dhe do të përmirësojnë ato pjesë që janë ndesh me Kushtetutën”, thotë ai për KosovaPress
Deputetët e Kuvendit të Kosovës më 22 shkurt të këtij viti kanë miratuar në lexim të parë rregulloren e re të Kuvendit.
Për miratimin e saj në lexim të dytë nevojiten votat e 2/3 të deputetëve.
Të tjera
-
Krasniqi viziton Ganimete Musliun pas ndërhyrjes që pati: Ke shumë miq, kolegë dhe dashamirë që mezi presin rikthimin tënd
Kryetari i PDK’së, Memli Krasniqi, ka njoftuar se bashkë me gruan e tij, Meli...
-
Një çift i moshuar kosovar arrestohet në Gjermani në prani të mbesës 8-vjeçare
Policia federale e Gjermanisë ka arrestuar një çift në aeroportin e Dortmundi...
-
Dyshohet për sülm sek*ual ndaj 16 vjeçares në Shtime, kërkohet paraburgimi i të pandehurit
Tridhjetë ditë paraburgim ka kërkuar Prokuroria Themelore në Ferizaj për Xh.I...
-
Kuvendi miratoi Projektligjin për zyrtarët publikë
Kuvendi i Kosovës ka miratuar në shqyrtim të parë Projektligjin për zyrtarët ...
-
Përfundon dëshmia e dëshmitarit të 57-të në rastin e Thaçit dhe të tjerëve
Dhomat e Specializuara të Gjykatës Speciale të Hagës bëjnë me dije sot ka për...
-
Dënohen me pesë vite burgim tre zyrtarë të Fushë Kosovës, akuzoheshin për korrupsion
Gjykata Themelore në Prishtinë ka shpallur aktgjykim dënues ndaj tre zyrtarëv...
-
Dy milionë britanikë vuajnë nga simptoma të gjata të COVID-it, tregon studimi
Dy milionë njerëz në të gjithë Anglinë dhe Skocinë ende vuajnë nga simptoma t...
-
Deputetja finlandeze takon presidenten Osmani: Kosova duhet pranuar në Këshillin e Evropës pa parakushte shtesë
Deputetja finlandeze, Tytti Tuppurainen ka takuar presidenten Vjosa Osmani. ...
-
Përfundon gjykimi i Thaçit dhe të tjerëve për këtë javë
Pas përfundimit të dëshmisë së dëshmitarit të 57-të të ZPS-së, gjykimi në çës...
-
Kurti para gjermanëve: Duam t’i bashkohemi BE-së, NATO-s dhe KiE-së
Kryeministri Albin Kurti ka përmendur qëllimin e Kosovës për integrimin euroa...
-
Rikthimi i ftohtit rrezikon të mbjellat në Evropë
Moti i ftohtë i këtyre ditëve e në disa rajone të Evropës edhe breshëri që ka...
-
Zveçan: Policia i gjen armë në shtëpi, i dyshuari dërgohet në mbajtje
Policia e Kosovës njofton se të mërkurën gjatë kontrollit në shtëpinë e një t...