Lajme

Rregullorja e Kuvendit shkelet “pamëshirshëm”

Autori: Gazeta inFokus 21:31 | 14 July 2023

Tollovisë së krijuar të enjtën në Parlamentin kosovar, rregullorja e këtij institucioni ia gjuan përgjegjësinë atij që menjëherë bëri thirrje për ndërhyrje të policisë.

Neni 63 i rregullorës së Kuvendit përcakton që në këtë rast Kryeparlamentari, Glauk Konjufca të tërheq vërejtjën për shkeljën e rregullave.

Rrjedhimisht, të enjtën nuk zbatuar asnjë prej pikave të këtij neni.

-Advertisement-

Kështu po thonë edhe monitoruesit e Kuvendit të Kosovës.

Violeta Haxhilli nga KDI ka thënë se “Në këtë rast kryetari i Kuvendit ka përgjegjësi që të garantoj mbarëvajtje të seancës duke shqiptuar masat ndëshkuese në kuadër të rregullorës në fuqi për deputetët që shkelin rregullat brenda seancës”.

E është avokati, Anton Nrecaj i cili ka evidentuar edhe një shkelje të rëndë sipas tij në momentin e përleshjeve.

Bëhet fjalë për ndërhyrjen e truprojave dhe sigurimin e kabinetit qeveritar.

Anton Nrecaj, avokat ka thënë se “Ngjarja e djeshme normalisht që i tejkalon mundesitë e menaxhimit te seancës së Kuvendit nga Kryetari i Kuvendit për shkak se është hera e dytë apo e tretë kur kemi situata të tilla ku truproja dhe sigurimi i kabinetit qeveritar futet në sallën e Kuvendit. Ata nuk e kanë vendin aty, dmth kjo është shkelje esenciale nga Kabineti Qeveritar”.

E përfshirjen e sigurimit në një rast e përfshinë poashtu rregullorja e Kuvendit saktesisht neni 66 që thotë se “në rast se deputeti ose anëtari i Qeverisë pas vërejtjës së Kryeparlamentarit nuk pranon të dalë nga salla, kryesuesi i seancës e ndërpret seancën dhe urdhëron shërbimin e sigurisë në Kuvend zbatimin e masës”./RTVDukagjini