Fokus

Rrëfimi tronditës i nënës së dëshmorit të fundit të Malishevës: “Uh mjera nana, po ku i ka bre sytë djali jem”

Autori: Gazeta inFokus 10:36 | 21 March 2025

Ajshe Gashi është nëna e dëshmorit të fundit të Malishevës, Mentor Gashi, i cili u vra nga forcat serbe vetëm një ditë para çlirimit të qytetit, shkruan Gazeta Infokus.

Ajo rrëfen momentin tronditës kur mori lajmin se djali i saj kishte rënë heroikisht në përballje të drejtpërdrejtë me ushtarët serbë, pikërisht në ditën kur ai pritej të kurorëzonte dashurinë e tij dhe t’ia sillte nënës nusen në shtëpi.

“Po, erdhën ushtria, plot oborri u mbush, si i pashë e dita çfarë ka ndodhë. Mos u mërzit e më kapën përqafe e kaj, fëmija krejt më ranë për tokë, ma nuk dishin me u çu se i kom pas fëmijët e ri. Ma të voglin 7 vjet, edhe ky burri jem veç u ul edhe bojke ‘euuu’, e hupi krejt. Unë kaj, mërzitu, po tek fundi i mramë nuk ka shku për kurgjo – u shku për këtë vend”, rrëfen nëna Ajshe.

-Advertisement-

Në emisionin “Zgjohu”, një prodhim i Gazetës Infokus, nëna Ajshe ndan edhe momentin e dhimbshëm kur pa për herë të parë kufomën e djalit të saj, të masakruar nga forcat serbe.

“S’më tregojshin hiq që e kanë çu te vorret. Po unë me marrë këtë djalin edhe me shku në Kijevë, thojsha po e gjaj aty. Kur u dal qiky djali i dytë… atij (Mentorit), veç ja kishin çel vorrin. Qaty në kojshi, ndërmjet shpijave, edhe kur më ka pa se po dal me djalë me shku në kam. Se thashë të shkoj ta shoh ku u vra, evladi ish shumë i dhimbshëm, veç kur ma ka ba: ‘oj nanë, hajde knej se kqyre ku është…’ Kur jam kthy, kam thënë: ‘Zoti hajr e boftë’. E kam marrë atë djalë për dore se s’më lëshojke e jom shku. Ish rrit bari, mu kishin dath këpucat, mu kishin dath çorapat e therra anej te vorret, a mu kishin mush kamt therra. Kur shkova, kqyra, thashë: ‘uh, djali jem ish shtre, gjan e zgat’, e kishin mlu me një llastik përmi. E shpolva, çka me kqyr – ju kishin qorru me sy, edhe ja kom nisë me kajt qaty. Edhe më vike bre marre me kajt se jom kanë e re, hala nuk disha… edhe ushtria: ‘ti s’bon me kajt’, ju thashë: ‘o lemi rahat bre, lemni’”, shprehet ajo.

Ndiqni më poshtë rrëfimin e saj tronditës:

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

fokus