Rrëfimi për familjen Jashari: Serbët tentuan t’i varrosin në një gropë masive dhe larg mediave
Autori: Gazeta inFokus 18:12 | 06 March 2022
Një rrëfim ekskluziv lidhur tentimin e forcave serbe për ta varrosur familjen Jashari në një gropë masive dhe pastaj, pas ndryshimit të rrethanave, presionit serb për t’i varrosur me pak persona dhe atë larg mediave, e sjellë sot KP, me njërin nga anëtarët e këshillit të varrimit të Jasharëve, i cili tregon se si ndodhi i gjithë procesi.
Jahir Bejta që është edhe kryetar i Shoqatës për dëme të luftës në nivel vendi, tregon historinë e varrimit të familjes Jashari.
Ai ka thënë që forcat serbe kanë dashur t’i varrosin në një gropë masive, por që nuk i kanë lejuar, duke thënë se kanë insistuar që të mos varroset e vërteta pa u sensibilizuar.
“Për publikun duhet sqaruar disa të dhëna që s’janë thënë që 23 vjet rreth skenarit të varrimit të Jasharëve. Më 10 mars 1998, forcat policore në Skenderaj kanë ardhur për t’i dorëzuar kufomat te shtëpia e Elmi Nuredinit, pasi që ai është dhëndër i Shaban Jasharit. Aty ka qenë rruga “Istan Rashiq” dhe Branko Radiqi, drejtor i Drejtorisë së Punëve të Brendshme. Ka qenë qëndrim i prerë me pak njerëz, jashtë mediave për t’i varrosur. Elmi Nuredini i ka përshpejtuar, i ka informuar Klinën e Ulët që të dalin dhe t’i hapin varret. Unë jam nga lagjja e dytë e Skenderaj, fqinjë me Elmi Nuredinin, por kam qenë prefekt i lagjes. Unë thash jo Elmi, po si, jo o vëlla, po duan t’i varrosin, buldozeri ishte i ndezur në udhëkryqin për Prekaz me një gropë masive, i thashë më shumë s’kanë çka iu bëjnë, ata i kanë vrarë, i kanë djegur, por thashë, jo Elmi nuk guxon të varroset e vërteta pa e sensibilizuar”, tha ai.
Ai thënë se forcat serbe kanë qenë duke i varrosur pa e kuptuar bota se çka në të vërtetë ndodhi.
“Elmi Nuredini ishte mes dy zjarreve, presion nga Luba, Stanishiqi, Brano Radiqit për t’i varrosur shpejt, presion të dyfishtë që jo me zvarrit varrosjen. U acarua tensioni gati në ekzekutiv dhe kurdo Zoti ka ardhur Adem Meta, kryetar i KLMDNJ-së dega në Skenderaj, çka u bo Jahë, i thashë jemi në pozitë të keqe. Urdhëroni, kërkoni ta formoni këshillin e varrimit dhe zbutet situata. Kemi hyrë në dyqanin e Elmi Nuredinit, e kemi formuar këshillin. Elmi Nuredinin jo rastësisht e kemi bërë kryetar të këshillit të varrimit, për ta nderuar që ka qenë dhëndër i Shaban Jasharit dhe jemi marrë vesh që edhe nëse i identifikojnë kufomat, ne do t’i varrosim. Kanë shkuar për t’i dorëzuar në servisin e materialit ndërtimor në lagjen 3, unë kam qëndruar pranë telefonit me KMDNJ-në në Prishtinë, me urgjencë që shpejt e shpejt mediat e huaja, përndryshe varrosen pa e marrë bota vesh. Të nesërmen kanë ardhur, në fillim kanë filluar homazhet, i kam ndarë të rinjtë me qëndrim, madje edhe kemi replikuar me të ndjerin profesorin Zekeria Canën, thotë po na e komplikon homazhin, thashë nuk po e komplikoj, por më pak se 20 vjet nuk do t’i lejojë t’i shohë këto kufoma për t’u prishur psikikisht dhe erdhën mediat, u krye misioni”, tha ai.
Ndërkohë, Bejta ka përmendur publikimet e mediave në vitin 2008, sipas së cilit janë deformuar të dhënat për varrimin e Jasharëve.
“I ka deformuar të dhënat rreth varrimit të Jasharëve. Pra, Zekeria Cana me të tjerët, e quaj tash bukëpërmbys, ka qenë mysafir i doktorit, Avdyl Salihit në Skenderaj dhe ka thënë “Drenica përpos që nuk e ndihmuan Adem Jasharin, Drenica nuk guxuan ta varrosin deri të vijmë ne dhe t’i varrosim, ky realitet nuk ka ndodhur. Andaj ju lutem shumë, kemi plot lëshime dhe deformime të historisë. Ne jemi duke i mohuar, jemi duke e mohuar edhe luftën, jemi duke mohuar edhe masakrat. Para disa ditësh është lakuar shifra nga Akademia e Shkencave që janë 33 masakra, por janë 400 masakra. Nuk kemi qare pa e përmend emrin e doktor profesorit Frashër Demaj që është nënshkrues i historisë alternative ku shkruan se masakra e Reçakut është incident. Anëtari i Akademisë, deputet i Kosovës, d.m.th. ajo histori është përkthyer në 15 gjuhë të botës dhe bota e njeh si incident, andaj ne këtu po iu japim rastin serbëve në tentativë që ta mohojnë masakrën e Reçakut”, tha ai.
Të tjera
-
Dalin pamjet e rrahjes brutale në Emshir, policia njoftoi për 3 të lënduar e 6 të shoqëruar në stacion
Sonte në lagjen Emshir në Prishtinë ka pasur përleshje fizike mes disa person...
-
Rrahje në Emshir, lëndohen 3 persona, 6 shoqërohen në polici
Pak më parë në lagjen Emshir të kryeqytetit disa persona janë përleshur fizik...
-
Hill: Çuam mesazhe të qarta për Urën e Ibrit, ata që devijojnë nga dialogu, devijojnë nga politika jonë
Ambasadori i Shteteve të Bashkuara të Amerikës në Beograd, Christopher Hill, ...
-
“Në baushtellë kam punu prej qeverisjeve tuaja”, përplasje e ashpër mes Dardan Gashit e Dibran Hoxhës
Përplasje të ashpër kanë pasur analistët Dardan Gashi e Dibran Hoxha, sonte l...
-
Elshani: Kemi informacione që protestuesit do të mendojë të bllokojnë edhe pikë kalimin të Kulla
Nesër do të fillojë bllokada shumëditore e pikave kufitarë drejt Kosovës. ...
-
Përleshje në Emshir, lëndohen 3 persona, 6 shoqërohen në polici
Sonte në lagjen Emshir në Prishtinë ka pasur përleshje fizike mes disa person...
-
Pacolli e ngacmon Kurtin për “ekuacionin”, nuk i kursen as Nagavcin e Bulliqin
Presidenti i Aleancës Kosova e Re (AKR), Behgjet Pacolli, ka ironizuar me kry...
-
Kryediplomatja Valtonen pas vizitës: Finlanda dhe Kosova kanë lidhje të forta, dialogut Beograd-Prishtinë i japim prioritet
Ministrja e Jashtme e Finlandës, Elina Valtonen, i ka quajtur “takime shumë t...
-
Caktohen gjyqtarët e procesit ndaj Haxhi Shalës dhe të tjerëve në Hagë
Gjykata Speciale ka caktuar tre gjyqtarët që do të shqyrtojnë rastin ndaj Hax...
-
Huqja e Kurtit në zgjidhjen e ekuacionit matematikor në Llap bëhet edhe lajm ndërkombëtar
Kryeministri i Kosovës, Albin Kurti, i kërkoi falje publike nxënësve për ...
-
Paralajmërimi në Serbi për bllokimin e pikave kufitare me Kosovën, deklarohet Policia: Kemi plane operacionale
Në Serbi kanë paralajmëruar se nesër (6 shtator) do të fillojë bllokada shumë...
-
Në Serbi paralajmërojnë se pikat kufitare me Kosovën i bllokojnë nesër nga ora 18:00, përveç Konçulit
Kryetari i së ashtuquajturit asociacion i qytetarëve të Qarkut të Mitrovicës ...