Lajme

Rrëfimi i të plagosurit në protestën ku vdiqën Mon Balaj e Arben Xheladini

Autori: Gazeta inFokus 09:36 | 10 February 2020

Ish-ushtari i UÇK’së që punonte si sigurim, do të plagosej nga dy plumba në sheshin e Prishtinës.

Nga vendi ku pothuajse u vra nga njësiti rumun i policisë, Zeneli thotë se mban mend gjithçka që ndodhi.

Në protestën më të dhunshme deri atëherë, kishin qëlluar aktivistët e Vetëvendosjes, të cilët e ndihmuan Zenelin e plagosur.

-Advertisement-

E Arbër Vokrri që ishte fotograf i VV’së në protestë, nuk harroi që gjithë këtë ngjarje ta dokumentonte.

Por, si absolvent i mjekësisë, Vokrri tregon se si i dha edhe ndihmën e parë kolegut nga Vetëvendosje.

Zeneli ishte bartur nga aktivistët për ta dërguar pastaj me taksi në QKUK, ku edhe mori trajtimin e parë.

Por, me kaq ndërhyrjet kirurgjike nuk përfunduan për ish ushtarin e UCK-së.

Ai u transportua për në Shkup, pasi mjekët besuan se Zeneli nuk do të shpëtonte i gjallë.

E pas 3 jave në komë, e disa ndërhyrjeve në Prishtinë e Shkup, ai arriti t’i shpëtoj vdekjes.

Pasi u kthye në familje, ai mori një telefonatë nga mjekët amerikanë që e trajtuan në fillim e të cilët ishin skeptik që ai do të shpëtonte.

Plumbat vazhdon t’i ketë në trup ani pse kanë kaluar 13 vite.

Zeneli thotë se nuk e kishte menduar asnjëherë se drejtësia nuk do të vihej në vend, për këtë arsye shprehet se është dëshpëruar.

Në protestën e VV’së të organizuar kundër propozimit të Ahtisarit e në kërkim të vetëvendosjes u vranë 2 pjesëtar të kësaj lëvizje e 84 të tjerë u plagosën.

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme