Rrëfimi i llapjanit që iku në Kroaci
Autori: Kada Mulolli 15:38 | 26 April 2019
Kushtet e rënda ekonomike, muajin e kaluar, e detyruan 26 vjeçarin, S.U nga Podujeva ta braktisë Kosovën. Fillimisht u nisë për në Kroaci, me plan që të mos kthehet kurrë më në vendlindje.
Nga atje, ai tregon për gazetën inFokus se sa ishte në Kosovë asnjëherë nuk ka arritur të punësohet në ndonjë vend tjetër të punës përpos si shankist në kafiteri ku punoi për 4 vite rresht.
Me këtë punë nuk fitonte mjaftueshëm që ta mbajë as veten e as familjen.
“Unë kam lënë edhe shkollimin në gjysmë, familjen e erdha me punu në vend të huaj për të siguruar një jetë më të mirë, e këtë nuk e kam bëre nga dëshira po nuk kam pasur zgjidhje tjetër”, rrëfen ai për gazetën inFokus.
Gyrbetin thotë se e shihte si zgjidhje të vetme të problemeve të tij sa ishte në Podujevë dhe sigurimi i vizës kroate ishte një shans i mirë për ti dhënë fund varfërisë.
“Unë, përmes një shoku e kuptova se një kompani kroate kërkon punëtor në kompaninë e tij si mjeshtër ndërtimi, dhe menjëherë unë dhe një shok i imi kemi filluar procedurat për të braktisur vendin e të sigurojmë vizën e të nisim rrugëtimin tonë për në Kroaci”, tregon S.U.
Kompania i kishte rregulluar vizën brenda dy javësh.
Ndërsa tani të dy miqtë kanë një muaj që janë vendosur në Rijekë të Kroacisë, ku kanë filluar punën menjëherë.
“Javën e parë nuk kemi punuar, pasi që është dashtë me prit për leje të punës, e gjatë asaj jave kemi bëre analiza te mjeku për ta vërtetuar se jemi të aftë për punë, kurse tani punojmë nga e hëna deri të premten nga 07:00-17:00, e vikendin e kemi të lirë”, thotë ai.
S.U tregon se tani posedojnë viza kroate që kanë afat deri në shkurt të vitit të ardhshëm edhe paga nuk është e ulët dhe kushtet janë të mira për të punuar dhe jetuar.
Atyre gjithashtu i është siguruar vendbanimi nga ana e kompanisë, ku janë të vendosur 16 persona në një kat e të cilët janë të gjithë kosovarë, ku ndajnë se bashku një kuzhinë, një banjë dhe 6 dhoma gjumi.
Kosovari thotë se nuk e ka ndërmend të rikthehet në Kosovë dhe ta kalojë gjithë jetën e tij duke punuar si shankist.
Ngjashëm tregon se mendojnë edhe shumica e bashkëvendësve të tij që aktualisht gjenden në Kroaci.
E ata nuk janë të paktë.
Muajt e fundit u shfaq interesim i madh i qytetarëve për të ikur nga Kosova për në Kroaci pasi që në fund të vitit të kaluar Qeveria e Kroacisë miratoi vendimin e punësimit të të huajve./Gazeta inFokus/
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...