Lajme

Rrëfehet vëllai i Agron Sylejmanit: Gani Geci e dinë se kush qëndron prapa vrasjes se Haki Imerit (Video)

Autori: Gazeta inFokus 13:21 | 05 July 2017

Policia e Kosovës dhe EULEX-i nuk e ka bastisur shtëpinë e Agron Sylejmanit ka thënë vëllai i tij Dritoni.

Sylejmani, i cili është vrarë në vitin 2004 akuzohet për disa krime të supozuara qe kanë ndodhur gjatë dhe pas luftës.

Por, vëllai i tij Dritoni i quan jonjerëzore akuzat ndaj Dritonit vrasja e të cilit ende nuk është zbardhur.

-Advertisement-

Në një intervistë për ‘Indeksonline’, Agon Sylejmani ka thënë se ata bashkë me familjen jetojnë në lagjen ‘Pejton’ dhe nuk ka pas kurrfarë kontrolle apo bastisje nga ana e Policisë.

“Nuk ka qenë askush sot dhe nuk ka pas kurrfarë kontrolle. Ato janë qëllime të caktuara të individëve. Siç po më shihni kam qenë gjatë gjithë kohës këtu dhe nuk ka qenë askush”, ka thënë Driton Sylejmani.

Agroni, sipas tij, po akuzohet nga qarqe të caktuara vetëm për faktin qe nuk është në jetë.

Duke folur për rastin e Haki Imerit, ai i ka bërë thirrje udhëheqësve të Zonës se Drenicës qe të tregojnë hapur kush qëndron prapa vrasjeve.

Ai çuditet me heshtjen e Sabit Gecit ndaj këtij rasti.

“Sa i përket rastit të Imerit në Drenicë, ne nuk kemi lidhje me ta. Nuk kanë ndodhë ato gjëra prej Agronit. Nuk i ka bërë ato. Mu më çuditë më së shumti fakti qe qysh po akuzohen njerëzit. Më së miri këto raste mund t’i sqarojnë komandantët e Zonave. Pse heshtë Sabit Gecikur e din se kush qëndron prapa atyre gjerave. Ata të gjitha e dinë. Por, po mundohen me i fajësu njerëzit qe nuk janë në jetë”, ka thënë Sylejmani.

Ai thotë se gjatë gjithë kohës përballet me presione e shantazhe të cilat thotë se i ka lajmëruar në organet e drejtësisë.

Sylejmani nuk e dinë nëse raportimet e sotme janë të ndërlidhura me funksionalizimin e Gjykatës Speciale, por thotë se ai do t’i demantoj rastet për të cilat akuzohet vëllai i tij.

Krejt në fund ai e ka një porosi për ish shefin e PDK-së.

Mediet sot kanë raportuar se Policia e Kosovë bashkë me EULEX-in kanë bastisur shtëpinë e familjes Sylejmani.

Për më shumë ndiqeni intervistën e Agron Sylejmanit./Indeksonline/

Subscribe në YouTube: GAZETA INFOKUSI