Lajme

Rrahu bashkëshorten e më pas demoloi shtëpinë, paraburgim ndaj të pandehurit në Kaçanik

Autori: Gazeta inFokus 16:15 | 10 February 2023

Gjykata Themelore në Ferizaj ia ka caktuar masën e paraburgimit në kohëzgjatje pej 20 ditësh një personi në Kaçanik, pasi i njëjti dyshohet për dhunë në familje.

Sipas gjykatës, i pandehuri F.L në shtëpinë e tij në Kaçanik, pas një fjalosje që kishte me anëtarët e familjes së tij për të shkuar për të punuar jashtë vendit, ka përdorur forcën dhe ka filluar të bëjë demolimin e orendive në shtëpi. Në këtë mënyrë ai ka keqtrajtuar psikologjikisht bashkëshorten e tij dhe anëtarët e tjerë të familjes.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit të Përgjithshëm, ka vlerësuar se ekziston dyshimi i bazuar se i pandehuri F.L., më 8 shkurt 2023 në Kaçanik, saktësisht në shtëpinë e tyre të përbashkët familjare, i pandehuri pas një fjalosje që kishte me anëtarët e familjes së tij për të shkuar për të punuar jashtë vendit, në atë mënyrë që i njëjti me përdorim të forcës kishte filluar të bëjë demolimin e orendive në shtëpi si dhe duke ju sjellë keqtrajtim psikologjik të vazhdueshëm ndaj të dëmtuarës bashkëshortes së tij – A.L. dhe anëtarëve të tjerë të familjes, duke ju bërtitur me ton të lartë me ç` rast si rrjedhojë e këtyre veprimeve tek e dëmtuara dhe anëtarët tjerë i`u ka shkaktuar shqetësim emocional, frikë, ankth dhe pasiguri për jetën e tyre”, thuhet në komunikatën për media.

-Advertisement-

Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.

Subscribe në YouTube: GAZETA INFOKUSI