Lajme

Rrahu bashkëshorten, arrestohet i dyshuari në Prizren – i konfiskohet arma pa leje

Autori: Gazeta inFokus 15:55 | 16 December 2023

Një person është arrestuar të premten në Prizren pasi dyshohet për veprën penale “Dhunë në familje”.

Policia njofton se i njëjti në fshatin Greikoc dyshohet se pas një mosmarrëveshje me bashkëshorten e tij ka ushtruar dhunë fizike ndaj saj.

“Sektori i hetimeve të Stacionit Policor në Suharekë gjatë hetimit të rastit të dhunës në familje ka gjetur prova se i dyshuari Xh.L. i vitit të lindjes 1963 posedon armë pa leje”, thuhet në komunikatën për media.

-Advertisement-

Me leje të prokurorit të shtetit, sektori i hetimeve ka realizuar një kontrolle në shtëpinë e të dyshuarit, ku gjatë kontrollit janë gjetur dhe konfiskuar:

-Një pistoletë e llojit EKOL specila e kalibrit 9mm,

-Një karikator i armës dhe

-Dymbëdhjetë copë fishekë të kalibrit 7.65 mm.

Prokurori i shtetit ndaj të dyshuarit ka lëshuar masën e ndalimit për 48 orë dhe ndaj tij do të ngritët kallëzim penal për veprat penale ‘Dhunë në familje’ dhe ‘Mbajtja në pronësi, kontroll ose posedim të paautorizuar të armëve’.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme