Lajme

Rrahman Jasharaj sfidon Albin Kurtin: Po të ishte përballë meje do të fitoja

Autori: Gazeta inFokus 11:03 | 04 Prill 2022

Rrahman Jasharaj, është zgjedhur në mandatin e tij të tretë si kryetar i Sindikatës së Bashkuar të Arsimit Shkencës dhe Kulturës.

Nga 120 delegatë që morën pjesë në Kuvendin Zgjedhor, Jasharaj mori 119 vota.

E para një kohe ai e pati ftuar edhe kryeministrin e Kosovës Albin Kurti, që të anëtarësohej në SBASHK.

-Advertisement-

Ai tha në Klan Kosova se po të ishte përball tij edhe kryeministri i Kosovës Albin Kurti, do të fitonte.

“Jo nuk erdhi. Të ju them të vërtetën deklarata ime ishte nga një lloj nxitjeje që ma bëri sepse ai si kryeministër i Republikës së Kosovës pati momente kur përzihej në çështjet e sindikatave. Jo vetëm të SBASHK-ut, kur deklaronte se udhëheqësit tani duhet të shkojnë. Dhe unë në atë instinkt të reagimit i thashë: “Eja të garojmë bashkë”. Dhe po të them kësaj radhe se edhe po të ishte Kurti kundër meje unë do të fitoja”, ka deklaruar Jasharaj.
.