Lajme

Rrahje brutale në Pejë, ndalohen tre të dyshuar, dy janë të mitur

Autori: Gazeta inFokus 14:28 | 19 October 2022

Në një video të publikuar në rrjetet sociale shihet një rrahjet brutale që ka ndodhur në Pejë.

Në pamjet e publikuara shihet se si disa persona rrahin një tjetër e madje edhe e kërcënojnë me vrasje, shkruan Gazeta Infokus.

Lidhur me rastin janë ndaluar tre të dyshuar, dy prej tyre të mitur.

-Advertisement-

Kështu ka konfirmuar për Infokus zëdhënësi i Prokurorisë Themelore në Pejë, Shkodran Nikçi, i cili tha se për personin e moshës madhore gjykata ka aprovuar kërkesën e prokurorisë duke ia caktuar një muaj paraburgim. Një të mituri i është caktuar arresti shtëpiak dhe të miturit tjetër i cili është në shkollë fillore i është caktuar masa e ndalimit që të mos i afrohet shtëpisë së viktimës e as viktimës.

“Para disa ditëve ka ndodhur rasti, personat që e kanë kry këtë vepër penale janë ndaluar. Njëri person është i moshës madhore dhe dy të tjerë janë të mitur”, tha Nikçi për Infokus./Gazeta Infokus/

Subscribe në YouTube: GAZETA INFOKUSI