Lajme

Rohde: Kosova përket në Bashkimin Evropian dhe në Këshillin e Evropës

Autori: Gazeta inFokus 13:05 | 12 December 2022

Ambasadori i Gjermanisë në Kosovë, Jorn Rohde, ka thënë se Kosova përket në Bashkimin Evropian dhe në Këshillin e Evropës.

Ai po ashtu ka theksuar se pas miratimit të ambasadorëve të Bashkimit Evropian, më në fund kosovarët do të mund të udhëtojnë lirshëm në Evropë jo më vonë se 1 janari 2024, transmeton Klan Kosova.

“Kosova do të aplikojë për anëtarësim në BE. Ajo ka aplikuar për anëtarësim në Këshillin e Evropës dhe qëndrimi i Gjermanisë është: Ju i përkisni BE-së, ju i përkisni Këshillit të Evropës. Gjermania dëshiron të jetë mbështetësja e Kosovës dhe të bindë vendet që nuk e njohin, përkrahni aplikimin e Kosovës për anëtarësim në Këshillin e Evropës, por për të qenë nxitës i tifozëve duhet t’i bëni detyrat e shtëpisë”.

-Advertisement-

“Dëshirojmë të përshpejtojmë procesin që Kosova të bëhet pjesë e infrastrukturës euroatlantike dhe në kuadër të Procesit të Berlinit jemi duke punuar në të gjitha frontet”, tha ambasadori Rohde gjatë një paneli me studentë të UBT-së.

Duke pasur parasysh se regjimi i vizave e izolon Kosovën, ambasadori Rohde nënvizoi se pas miratimit të ambasadorëve të Bashkimit Evropian, më në fund kosovarët do të mund të udhëtojnë lirshëm në Evropë jo më vonë se 1 janari 2024.

“Liberalizimi i vizave nuk do t’u japë vetëm kosovarëve mundësi për të udhëtuar lirshëm si turistë, do të jetë edhe një nxitje për bashkëpunimin ekonomik dhe studentor”.

Subscribe në YouTube: GAZETA INFOKUSI