Lajme

Rizvanolli: Stratetgjia e Energjisë, vizion për energji të pavarur

Autori: Gazeta inFokus 21:13 | 27 June 2023

Minsitrja e Ekonomisë, Artane Rizvanolli, në “RTK Prime” ka folur për çështjet që kanë të bëjnë me zhvillimin ekonomik, në shumë sfera të zhvillimit të saj, qoftë në atë të energjisë, në ndërmarrjet publike, etj.

Ajo vuri theksin më shumë në fushën e energjetikës, që gjatë sezonit të dimrit ka pasur probleme të theksuara në furnizim, duke premtuar në realizimin e projekteve, si dhe strategji që çojnë në zgjidhjen e këtij problemi. Kështu, ministrja Rizvanolli përmendi strategjinë energjetike, e cila kohëve të fundit është miratuar edhe në Kuvendin e Kosovës.

“Stratetgjia e Energjisë 2022-2031, që tanimë është miratuar në Kuvendin e Kosovës  është një strategji që ka një  vizion të qartë drejt  një sigurie energjetike, pavarësisë energjetike,  por edhe në energjinë më të pastër, të bazuar më shumë në burime të ripërtëritshme të energjisë, veçanërisht ato të erës e ato solare”, deklaroi Rizvanolli, teksa shtoi se një sërë projektesh kanë nisur rrugën e zbatimit.

-Advertisement-

Ministrja Rizvanolli bëri të ditur se për energjetikën ka vizituar edhe qendrat e Kosovës, ku është konsultuar edhe me publikun, si dhe me OJQ-të, por edhe me shtresa të tjera të shoqërisë, akademikë, deputetë, etj.

“Mund të them se ka një konsensus të gjerë lidhur me atë se ku duam të shkojmë e gjithashtu edhe për objektivat strategjike të Strategjisë”, vuri në dukje ministrja Rizvanolli në “RTK Prime”.

Ndërkaq, për krizën energjetike në dimrin e kaluar, ministrja Rizvanolli tha se është tejkaluar suskesshëm, falë edhe qytetarëve tanë, të cilët kanë mirëkuptuar situatën dhe kanë gjetur gjuhën e bashkëpunimit në kursimin e energjisë elektrike.

Rizvanolli shtoi se në kohën kur po bëjmë politikbërjen nuk mudn të injorojmë trendet globale dhe strategjia jonë e energjisë, nga njëra anë i merr parasysh ato që i kemi si pasuri natyrore, por me këmbë në tokë shikon kah e ardhmja.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme