Lajme

Rizvanolli në Greqi: Siguria e energjisë mund të arrihet vetëm me bashkëpunim të ngushtë

Autori: Gazeta inFokus 14:29 | 22 November 2022

Ministrja e Ekonomisë Artane Rizvanolli ka marrë pjesë në Dialogun e parë Ministror të Energjisë në Athimë, ku është folur për temën “Garantimi i sigurisë energjetike në një botë në zhvillim”.

Sipas komunikatës së Ministrisë, Rizvanolli ka thënë se siguria e energjisë mund të arrihet vetëm përmes bashkëpunimit të ngushtë, në të cilin varen pavarësia dhe siguria energjetike e Evropës.

“Ministrja Rizvanolli gjatë diskutimit me ministra ka cekur që siguria e energjisë mund të arrihet vetëm përmes bashkëpunimit të ngushtë, në të cilin varen pavarësia dhe siguria energjetike e Evropës. Është kritike që ky bashkëpunim të ndërtohet jo vetëm duke u bazuar në zhvillim ekonomik por në vlerat tona të përbashkëta evropiane, të paqes e demokracisë”, thuhet në komunikatë.

-Advertisement-

Në këtë takim kanë marrë pjesë edhe ministrja e Shqipërisë, Belinda Balluku, ministri i Bullgarisë, Rosen Hristov, ministri i Italisë, Gilberto Pichetto Fratin si dhe ministri i Rumanisë, Virgil-Daniel Popescu.

Subscribe në YouTube: GAZETA INFOKUSI