Lajme

Rizvanolli-Krasniqit: Mos t’ju kishim njohur, ndoshta edhe ju kishim besuar

Autori: Gazeta inFokus 13:50 | 26 April 2023

Sipas kryetarit të PDK-së, Memli Krasniqi, arrestimi i kryeshefit të pezulluar të KEK-ut, Nagip Krasniqit, është vazhdë e keqpërdorimeve të, siç tha ai, miliona eurove që kanë ngjarë gjatë Qeverisë Kurti.

Gjatë seancës së sotme në Kuvendin e Kosovës, ai u shpreh se në vend që kryeministri të kërkonte shkarkimin e menjëhershëm pas lajmit se u arrestua shefi i energjisë së Kosovës, “ai e mbron dhe fillon e sulmon e shantazhon komplet sistemin e drejtësisë”.

Krasniqi po ashtu u shpreh se abuzimet më të mëdha të Qeverisë Kurti janë bërë në sektorin e energjisë.

-Advertisement-

Kundërpërgjigje ndaj tij pati ministrja e Ekonomisë, Artane Rizvanolli, duke thënë se është tragjikomike me e dëgju PDK-në se si përkujdeset për mirëqenien e qytetarëve.

“Mos të ju kishim njohur se sa keni bërë ju për ta, ndoshta edhe ju kishim besuar”, i tha ajo.

Rizvanolli pyet opozitën: Si është e mundur të dini kaq shumë rreth tenderëve?

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme