Lajme

Rizvanolli: Hera e parë që perëndimi nuk po na portretizon si “nxënës të mirë”

Autori: Gazeta inFokus 21:57 | 29 June 2023

Ministrja e Ekonomisë Artane Rizvanolli, ka kritikuar perëndimin në vlerësimet e tyre ndaj Kosovës.

Rizvanolli ka folur për qasjen e bashkësisë ndërkombëtare në lidhje me situatën e tensionuar në pjesën veriore të Kosovës.

Në një intervistë dhënë për gazetën zvicerane “Le Temps”, Ministrja Rizvanolli ka folur për kritikat e Bashkimit Evropian dhe Shteteve të Bashkuara të Amerikës për Qeverinë e Kosovës, duke thënë se kjo është hera e parë që Perëndimi s’e portretizon Kosovën si “nxënëse të mirë”.

-Advertisement-

“Më mirë do të thoja që është hera e parë që nuk na portretizojnë si nxënës të mirë, është një nuancë e rëndësishme. Ajo që po themi shumë qartë është se ne duam një vend në të cilin gjithë këtë progres, ekonomik, demokratik, duhet ta ndajnë të gjithë qytetarët e Kosovës, qofshin ata serbë, shqiptarë, romë apo ashkali. Gjithçka që po ndodh, në fakt, sikur ne po paguajmë çmimin e dëshirës për të qetësuar regjimin serb. Megjithatë, kjo është veçanërisht shqetësuese pikërisht në momentin kur komuniteti ndërkombëtar kupton se po vuan sot pasojat e një dëshire tepër të madhe për qetësim përballë Rusisë së Vladimir Putinit”, ka thënë ndër të tjera ministrja Rizvanolli.

E para e Ekonomikë kosovare ka thënë se qytetarëve serb që jetojnë në veriun e vendit po iu bëhet presion dhe po kërcënohen nga forcat e presidentit të Serbisë, Aleksandar Vuçiq.

“Në veri të Kosovës, krimi i organizuar ka mundur të lulëzojë në këto komuna dhe laboratorët e drogës apo kontrabanda ilegale përfitojnë veçanërisht nga fakti që nuk paguhet rryma në këto komuna për njëzet e katër vjet, gjë që është krejtësisht e paimagjinueshme. Qytetarëve serbë të Kosovës janë duke iu bërë presion dhe kërcënime nga forcat e presidentit serb Vuçiç që të mos marrin pjesë në zgjedhje. Për ne është jashtëzakonisht e rëndësishme që zgjedhjet e ardhshme të zhvillohen në siguri të plotë për kandidatët, por edhe për votuesit”, ka thënë Rizvanolli.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme