Rita Ora shijoi një stërvitje në mëngjes në Sydney të hënën përpara detyrave të saj në spektaklin e talenteve “The Voice Australia”.

Ylli shqiptaro-britanik i muzikës pop, 32 vjeçe, ishte e gjitha e buzëqeshur teksa u largua nga seanca e djersitjes e shoqëruar nga motra e saj Elena, e cila vepron edhe si menaxhere e saj, shkruan DailyMail.

Interpretuesja e hitit “Let You Love Me” tregoi fizikun e saj të tonifikuar atë ditë e veshur me një bluzë të zezë me monogram dhe geta sportive që shfaqnin figurën e saj mahnitëse trupore.

Rita, e cila është trajnerë në “The Voice Australia”, dukej në gjendje të mirë teksa vuri në pah barkun e saj të tonifikuar gjatë rrugës.

Këngëtarja e martuar së fundmi zgjodhi t’i lidhë flokët e saj bionde në një topuz për atë pamje dhe mbajti një profil të ulët me syze dielli të errëta.

Rita së fundmi mbërriti në Sydney me bashkëshortin e saj me origjinë nga Zelanda e Re, Taika Waititi.

Çifti u martuan gjatë verës, me Ritën që zbuloi se nuk donte ndonjë ‘vëmendje të veçantë’ atë ditë.

Ajo tha së fundmi në një intervistë për revistën Glamour: “Disa femrave u pëlqen të ndiejnë atë vëmendje vërtetë të veçantë atë ditë. Dhe të gjithë janë të ndryshëm. Dhe për mua – mendoj se me punën time, është e gjitha… është shumë e drejtuar nga vëmendja – doja ta mbaja ceremoninë private sepse jeta ime dhe karriera ime nuk janë të tilla”.

Ceremonia e minutës së fundit ishte planifikuar për vetëm dy ditë dhe të ftuarit e vetëm që morën pjesë personalisht ishin dy vajzat e Taikas nga martesa e tij e parë dhe motra e Ritës, Elena.Çifti ishte nën presion për të gjetur një datë midis orareve të tyre të ngjeshura të punës, me Ritën që shpjegoi: “Ishte ose atëherë ose na duhej të prisnim për shekuj. Nuk doja ta bëja pa fëmijët e mi atje. Pra, ne sapo e kuptuam dhe e bëmë. Dhe ishte perfektë”.

Këngëtarja konfirmoi në janar se ajo dhe regjisori Taika ishin kurorëzuar zyrtarisht.Duke folur në një intervistë për Heart Radio Breakfast në atë kohë, ajo tha: “Po [jam e martuar]. Unë jam zyrtarisht jashtë tregut të beqarëve”.

“Zgjodha ta mbaja më private dhe ta mbaja më shumë për vete, por me klipin tim të ri [You Only Love Me] po aktroj në atë që mund të ishte [dasma ime]”, tha Rita Ora.

Duke folur për ditën e madhe, Rita tha: “Ishte perfekte. Ishte pikërisht ashtu siç doja. Ishte e bukur dhe perfekte. Është mirë t’i mbaj disa gjëra vetëm për vete, ndonjëherë ka qenë e këndshme dhe e ëmbël”.“Më falni që nuk ishte aq interesante. Një ditë do të bëj një dasmë të madhe”, tha 32-vjeçarja.

Duke folur për ndryshimin e mundshëm të emrit ajo pranoi: “Patjetër që kam menduar të marr mbiemrin e tij, por kam punuar shumë për këtë mbiemër Ora. Nuk e di… Nuk kam vendosur ende”.

Rita ndodhet në Australi për spektaklin e talenteve “The Voice Australia”.