Rozë

Rita Ora pozon me kostum tradicional shqiptar (FOTO)

Autori: Gazeta inFokus 11:12 | 09 February 2021

Këngëtarja e famshme, Rita Ora, ka zbuluar se më 12 shkurt do të publikojë një mini-album të ri, për të cilin ka bashkëpunuar me disa nga emrat shumë të njohur të muzikës.

“Bang” është projekti më i ri, të cilin do ta sjellë së bashku me Imanbek dhe artistë të tjerë të famshëm si David Guetta dhe Gunna.

Këngëtarja me origjinë shqiptare ka zbuluar gjithashtu se ky projekt do të jetë një miks midis popit modern, kulturës së viteve 80-90 dhe muzikës house.

-Advertisement-

Gjithashtu Rita Ora e ka mbajtur fjalën dhe duket se në të do të ketë një përzierje të vërtetë kulturash, ku sigurisht nuk mund të mungonte as ajo shqiptare. Rita ka publikuar së fundmi një trailer të mini-albumit të saj, që i ka bërë fansat shqiptarë të artistes të fluturojnë nga gëzimi.

Në videon e publikuar Rita shihet e veshur me kostume popullore, ndërkohë që rrethohet edhe nga disa persona të tjerë të veshur me kostume tradicionale shqiptare.

Këngëtarja shihet duke pozuar krenare me veshjet popullore shqiptare, ndërsa fansat e saj janë shprehur shumë të lumtur që ka zgjedhur të promovojë traditat në një mënyrë kaq të bukur.Në videon e publikuar Rita shihet e veshur me kostume popullore, ndërkohë që rrethohet edhe nga disa persona të tjerë të veshur me kostume tradicionale shqiptare.

Këngëtarja shihet duke pozuar krenare me veshjet popullore shqiptare, ndërsa fansat e saj janë shprehur shumë të lumtur që ka zgjedhur të promovojë traditat në një mënyrë kaq të bukur.

Subscribe në YouTube: GAZETA INFOKUSI