Lajme

Rinumërimi i 117 kutive ndryshon rezultatin tek tre deputetë

Autori: Gazeta inFokus 14:48 | 05 July 2017

Komisioni Qendror i Zgjedhjeve ka miratuar raportin e QNR-së mbi rinumërimin e 117 kutive të votimit ku tre deputetë kanë fituar mandatin deputetit ndërsa tre tjerë kanë rënë.

Koordinatori i QNR-së Burim Ahmetaj, ka paraqitur raportin nga rinumërimi i 117 kutive të votimit. Ai tha se pas rinumërimit diferenca mes partive nuk është e madhe, ndërsa tek votat e kandidatëve ka pasur disa ndryshime.

 Ahmetaj tha se pas rinumërimit Naser Osmani nga koalicioni LAA-n ka fituar mandatin e deputetit ndërsa Imet Rrahmani ka humbur mandatin, Fikrim Damka nga KDTP-ja ka hyrë në vend të Mahir Yagcilar dhe Slavko Simić nga Lista Serbe ka hyrë në vend të Branimir Stojanovicit.

Anëtari i KQZ-së Betim Gjoshi, ka kërkuar nga institucionet që të shohin masat që duhet të ndërmerren për ta përmirësuar këtë aspekt sepse po ka shumë rinumërime.

-Advertisement-

Edhe anëtari tjetër Adnan Rrustemi, ka kërkuar analizë për tërë procesin për të parë se prej ku po buron ky rinumërim. Rrustemi tha se po merr kohë shpallja e rezultateve me shumë se sa vet përgatitja e vet procesit zgjedhor.

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme