Rikalo vazhdon punën si ministër, nuk i bindet Listës Serbe
Autori: Gazeta inFokus 16:54 | 07 April 2018
Pavarësisht se Lista Serbe ka paralajmëruar largimin nga ekzekutivi dhe në Kuvend kanë zënë ulëset e opozitës, ministra nga ky grup parlamentar po vazhdojnë punën në ministri.
Nenad Rikalo është ministër i Ministrisë së Bujqësisë, Pylltarisë dhe Zhvillimit Rural nga Lista Serbe e i cili po e vazhdon punën si ministër.
Zyrtarë nga kjo ministri për “Zërin” kanë bërë të ditur se ministri Nenad Rikallo, i cili vjen nga Lista Serbe dhe kabineti i tij po e vazhdojnë punën normalisht.
Në anën tjetër, të pyetur se si është e mundur që zyrtarë nga Lista Serbe pavarësisht dorëheqjes ende vazhdojnë të punojnë, zyrtarë nga Qeveria kanë deklaruar se tërheqja e Listës Serbe nga Qeveria e Kosovës nuk është definitive.
Sipas zyrtarëve nga Komisioni për Bujqësi, Pylltari, Zhvillim Rural, Mjedis e Planifikim Hapësinor, kjo çështje është lënë anash nga Qeveria dhe se në ditët në vijim do të duhet të arrihet një marrëveshje.
E krejt kjo sipas analistëve politikë po shihet si tentim nga ministri Nenad Rikallo për përfitime personale, pasi që tani është edhe koha kur ndahen subvencionet nga Ministria e udhëhequr nga vetë ai.
Zëvendësministri në Ministrinë e Bujqësisë, Pylltarisë dhe Zhvillimit Rural, Isni Kilaj, për “Zërin” ka konfirmuar se deri të enjten ministri Nenad Rikalo dhe kabineti i tij kanë shkuar në punë dhe puna ka vazhduar normalisht.
“Dje e kam parë, ndërsa sot jo, nuk e kam parë. Ne kabineti i ministrit e zëvendësministrat jemi duke e vazhduar punën normalisht”, ka thënë Kilaj.
Në një përgjigje kthyer nga Qeveria e Kosovës kanë deklaruar se shpresojnë që Lista Serbe ta rishqyrtojë vendimin e saj për kthim në Qeveri.
“Qeveria e Republikës së Kosovës beson që Lista Serbe do ta rishqyrtojë me kujdes pozicionin e saj”, thuhet në përgjigjen e kthyer nga Qeveria.
Po ashtu ata kanë konsideruar se largimi i Listës Serbe nga ekzekutivi nuk është vendim definitiv. “Tërheqja e Listës Serbe nga Qeveria e Kosovës është çështje në proces, që nuk ka marrë karakter definitiv”, thuhet më tutje në përgjigje.
Zëvendëskryetarja e Komisionit për Bujqësi, Pylltari, Zhvillim Rural, Mjedis e Planifikim Hapësinor, Besa Gaxheri, për “Zërin” ka bërë të ditur se ky komision ende nuk ka diskutuar lidhur me çështjen e largimit të ministrit të Ministrisë së Bujqësisë, Pylltarisë dhe Zhvillimit Rural, mirëpo ka konfirmuar se në ditët në vijim në Komision do të bisedohet edhe për këtë çështje.
“Në lidhje me vendimin e ministrit Rikallo për vazhdimin e punës ne nuk kemi diskutuar në Komision ende. Po i shohim rrjedhat politike si po ndodhin javën e ardhshme, pastaj normal që duhet të fillohet marrja edhe me këto çështje”, ka thënë Gaxheri.
Ajo po ashtu ka shtuar se këto tema janë anashkaluar nga Qeveria e Kosovës, që sipas saj po merret me “tema të mëdha”.Sipas analistit politik Mazllum Baraliut, gjithë këto veprime Lista Serbe po i bën për interesa personale, ashtu sikurse edhe shkuarja e ministrit Rikallo në punë, pasi që tani është periudha e ndarjes së subvencioneve.
“Natyrisht që mund të jenë interesat e donacioneve, subvencioneve dhe të tjera interesa të Listës Serbe, të cilët luajnë lojën e dyfishtë, në njërën anë kanë proklamuar tërheqjen nga Qeveria, në anën tjetër vazhdojnë të jenë aty përveç të tjerash edhe për shkak të interesave të komunitetit të tyre, të interesave politike, por edhe të interesave financiare”, ka thënë ai.
Të tjera
-
KQZ vendos për logon e re të institucionit
Komisioni Qendror i Zgjedhjeve ka vendosur të mërkurën për logon e re të inst...
-
GAP: Kosova vazhdon të jetë shteti me raportin më të pabarabartë import-eksport
Instituti GAP, ka vlerësuar se Kosova vazhdon të jetë shteti me raportin më t...
-
Liberalizim për poseduesit e pasaportave ilegale serbe në Kosovë, vendimi firmoset në Strasburg
Kryetarja e Parlamentit Evropian, Roberta Metzola dhe përfaqësuesja e Hungari...
-
Deputetët gjermanë në Kosovë, takojnë ministrin Murati
Një grup i deputetëve gjermanë nga Komisioni për Punë dhe Çështje Sociale, po...
-
I akuzuari tjetër në rastin e vrạsjes së Triumf Rizës deklarohet i pafajshëm
I akuzuari në vrasjen e ish-policit Triumf Rizja, Ilir Avdullahu, u dekla...
-
Kurti vizitoi për ngushëllime familjen e historianit Hakif Bajrami
Kryeministri, Albin Kurti, vizitoi për ngushëllime sot familjen Bajrami n...
-
Vrạsja e Liridonës, Pacolli nis procesin gjyqësor ndaj analistit Arian Curri
Vrasja tragjike e Lirodona Ademit në Kosovë nëntorin e shkuar ka prodhuar një...
-
Shkolla “Elena Gjika” del me sqarim për përdorimin e termeve “prindi 1 dhe prindi 2” për nënën dhe babain
Të martën në media u publikua një dokument i shkollës “Elena Gjika”, k...
-
Gjermania dëbon dhjetëra vetë nga Kosova e Serbia: Iu mohua e drejta për azil!
Gjermania ka nisur një ofensivë për dëbimin e personave të cilëve u mohohet e...
-
Princesha e Uellsit rikthehet në detyra publike pas kimioterapisë
Princesha e Uellsit, Kate Middleton, ka organizuar takimin e saj të parë zyrt...
-
“Jep dorëheqje si protestë që të kanë manipuluar” Ramadani thotë se ministri Sveçla u mashtrua për Urën e Ibrit, e këshillon të dorëheqet
Ish kryeinspektori i AKI-së, Burim Ramadani i ka rekomanduar ministrit të Bre...
-
Vdes shoferi i veturës, policia jep detaje për aksidentin e rëndë në Deberllukë të Mitrovicës
Një aksident i rëndë trafiku ka ndodhur sot në fshatin Deberllukë në Mitrovic...