Gjykata Themelore e Prishtinës e ka dënuar ish-ministrin e Administratës dhe Pushteti Lokal, Ivan Todosijeviq, me një vit burgim për nxitje të urrejtjes, përçarje, mosdurim kombëtar, racor, fetar apo etnik.

Kryetari i trupit gjykues, Musa Kongjeli, ka paraqitur aktgjykimin ku sqarohet se pse Todosijeviq është gjetur fajtor, njofton Klankosova.tv.

“I akuzuari Ivan Todosijeviq është fajtor, sepse në periudhën kohore derisa ishte në pozitën e ministrit të Admnistratës dhe Pushtetit Lokal në qeverinë e Republikës së Kosovës me dashje ka nxitur dhe përhapur publikisht urrejtje, përçarje dhe mosdurim midis grupeve kombëtare, racore dhe etnike që jetojnë në Republikën e Kosovës, ashtu që më datën 24.03.2019 në rrugën “Kral Milotini” në Zveçan në cilësi të pjesëmarrësit dhe të folësit në tubimin e mbajtur për përkujtimin e viktimave të NATO-s shprehet “Reçaku u shpik në Kosovë e Metohi dhe ishin ata terroristët shqiptarë që shpikën të gjitha këto. Kryen krimet më të mëdha në Kosovë e Metohi për të cilat askush deri më sot nuk ka marrë përgjegjësi. Kanë kryer krime para agresionit të NATO-s, kanë vrarë serbë….”.

“2, 3, 4, 7, 8, 9, 10, 17, 21, 41, 43, 45, 73 dhe 147 paragrafit 1 të KPRK neni 365 të KPPRK gjykon të akuzuarin me burgim në kohëzgjatje prej 1 viti. Dënimi do të ekzekutohet pas plotfuqishmërisë së këtij aktgjykimi në afatin e paraparë ligjor”.

Ivan Todosijeviq, që nuk ishte i pranishëm në këtë seancë gjyqësore, është dënuar edhe me paushallin gjyqësor prej 100 eurosh, dhe me 50 euro në emër të Fondit të Viktimave të Krimit, në afat prej 30 ditësh nga plotfuqishmëria e këtjj aktgjykimi.

Ish-ministri nga Lista Serbe, Ivan Todosijeviq, ishte dënuar me dy vjet burgim në shkallë të parë në fund të vitit 2019 pasi e kishte cilësuar trillim Masakrën e Reçakut. Veç Themelores, 2 vjetët me burg ia kishte konfirmuar edhe Gjykata e Apelit.

Por, avokatët e Todosijeviqit kishin parashtruar ankesë në Gjykatën Supreme ku më pas kolegji i kësaj të fundit vendosi ta kthejë çështjen në rigjykim.

Ish-deputeti i Kuvendit dhe ish-ministri i Pushtetit Lokal, më 24 mars të vitit 2019 në Zveçan, ishte pjesë e përkujtimit të 20 vjetorit të bombardimeve të NATO-s ku kishte deklaruar se Masakra e Reçakut ishte shpikur dhe përdorur si arsye për bombardimet.

Po, Po 31 Vetura Dacia Logan shpërblim për konsumator nga ETC

Sponsoruar