Lajme

Ridestinimi i mjeteve për ndërtimin e sallës koncertale shqetëson komunitetin e muzikës

Autori: Gazeta inFokus 10:40 | 12 July 2019

Filharmonia e Kosovës, Dega e Artit Muzikor i Fakultetit të Arteve dhe komuniteti i muzikës klasike në Kosovë sot kanë paralajmëruar një konferencë për media.

Kjo pas lajmit për ridestinimin e 15.4 milionë eurove të planifikuara për ndërtimin e sallës koncertale në kryeqytet.

Sipas tyre, humbja e mundësisë për realizimin e një projekti i cili do t’i sillte kryeqytetit sallën e parë koncertale është i papranueshëm dhe si i tillë nuk duhet të ndodh.

-Advertisement-

Në konferencë do të bëhen të ditur edhe hapat që komuniteti do të marrë derisa kërkesa për ndërtimin e sallës koncertale në Prishtinë të realizohet.

Ndryshe, ka qenë kryetari i Prishtinës, Shpend Ahmeti, që ka njoftuar se Ministria e Integrimeve Evropiane ka dërguar letër në BE për të ridestinuar mjetet për sallën koncertale në Prishtinë.

“Kur kemi kontaktuar kryeministrinë, thonë se nuk janë në dijeni për veprimin e ministres. Në BE thonë se për herë të parë letra është dërguar direkt në Bruksel e jo përmes zyrës së BE në Prishtinë.Meqenëse tani edhe e kemi marr letrën jozyrtarisht nga Brukseli, kjo nuk mund të jetë asgjë tjetër pos tentim bllokim për arsye politike”, deklaroi Ahmeti.

Ai tha se zyra e BE e ka informuar se nuk do të heqin dorë edhe pse pas kërkesës së qeverisë duhet të diskutohet salla në IPA fondet 2019. Sipas tij, salla do të bëhet në këtë mandat.

Subscribe në YouTube: GAZETA INFOKUSI

Të tjera

Fokusi

lajme