Lajme

Rezultatet e tmerrshme të Kosovës në PISA 2018 (Dokument)

Autori: Halil Berisha 09:44 | 03 December 2019

Kur në vitin 2015, për herë të parë Kosova ishte pjesë e testit të PISA-s, rezultatet e tij bën shumë bujë dukë vën në pah nivelin e dobët të arsimit në Kosovë.

Kjo, pasi në atë kohë nga 72 vende të botës, Kosova ishte e treta për nga fundi, shkruan gazeta inFokus.

Por, aspak më mirë nuk ka dalë as tash në rezultatet e testit të vitit 2018.

Gazeta inFokus, ka siguruar rezultatet e Programit për Vlerësimin Ndërkombëtar të Nxënësve, PISA, ku përsëri Kosova është në vendin e tretë për nga fundi.

Veçse tash edhe më keq pasi nuk janë 72 shtete por 79, shkruan gazeta inFokus.

Testi PISA mat aftësitë e 15-vjeçarëve në lexim, matematikë e shkencë.

Në të parën Kosova ka 353 pikë njëjtë sa Libani, e më shumë vetëm se Republika Domenikane e Filipinet.

Në matematikë Kosova ka 366 pikë, duke kaluar përsëri Republikën Domenikane e Filipinet.

Vetëm këto dy vende i ka kaluar edhe në shkencë, ku ka marrë 365 pikë, shkruan gazeta inFokus.

Ndërsa, në vitin 2015, Kosova në lexim kishte 347 pikë, në matematikë 362 e shkencë 378 pikë.

Këto rezultate maten me indeksin e mesatares së OECD që në lexim është 487 pikë, matematikë 489 dhe shkencë 489 pikë./Gazeta inFokus/

Të tjera