Këngëtarja Rezarta Shkurta prej vitesh nuk ka sjellë projekte të reja muzikore për fansat e saj, pasi i është përkushtuar biznesit dhe familjes. E teksa të gjithë presin një rikthim të fuqishëm të saj, Shkurta ka bërë një paralajmërim.

Artistja publikoi dje në llogarinë e saj në Instagram një video, ku shihej duke kënduar këngën e vënë në sfond. Mirëpo, krahas pamjeve, ajo shkroi: “Po sikur t’ju thoja që do jetë një këngë e fundit… Mbyllje e një kapitulli sa të bukur, aq edhe të vështirë për mua”.

Pak muaj më parë, Rezarta i tha “PO” përgjithmonë bashkëshortit të saj, Ermal Hoxhës. Ajo organizoi një ceremoni private në një jaht luksoz dhe zgjodhi një nga bregdetet shqiptare.

-Advertisement-

Pas dasmës, pyetja më e shpeshtë që i bëhet nga ndjekësit është se kur do të bëhet nënë për herë të dytë.

“Një bebe për Herën duhet tani”,– i shkroi një ndjekëse, së cilës këngëtarja iu përgjigj: “Duhet, dakord jam!”.

Ndërkohë, një tjetër i shkroi: “A je xheloze për bashkëshortin tënd? A do i bëje një motër ose vëlla Herës?”.

Rezarta iu përgjigj: “Fare, se e di që vdes për mua!”.

Çifti ngriti dyshimet e para se po bëheshin prindër për herë të dytë gjatë kohës që ishin me pushime verore në Greqi. Rezarta publikoi një foto e veshur me një body të bardhë dhe me një pelerinë tyli po ashtu të bardhë, ndërsa Ermali shfaqej i veshur me një këmishë të bardhë dhe me një palë pantallona bezhë të shkurtra.

Hoxha qëndronte pas partneres, së cilës ia kishte vënë duart tek barku, që dukej pak më i fryrë se zakonisht.

“Dielli me Rrezen e tij!”, shkroi artistja krahas imazhit, duke nxitur komentet se çifti do të bëheshin prindër për herë të dytë.

Rezarta Shkurta dhe Ermal Hoxha duket se i kanë rezistuar çdo lloj vështirësie në marrëdhënien e tyre dhe janë më të lumtur se kurrë në krah të njëri-tjetrit.

Ish-nipi i diktatori, pas daljes nga burgu i propozoi për martesë biznesmenes në Dubai, në janar të vitit 2019. Çifti kishin planifikuar të martoheshin në vitin 2020, por për shkak të pandemisë, planet ndryshuan dhe duket se pritjes i erdhi fundi pas 17 vitesh histori dashurie. Ata janë edhe prindër të një vajze, e cila quhet Hera.

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-