Rexhaj i LVV-së: Me duart tona, s’mund ta pranojmë Asociacionin një etnik
Autori: Gazeta inFokus 22:40 | 25 January 2023
Deputeti nga radhët e Lëvizjes Vetëvendosje, Arbër Rexhaj ka thënë se krijimi i një Asociacioni njëetnik do t’a defunksionalizonte Kosovën dhe e njëjta, do krijonte mundësi të ardhmen për formimin e një ”Republika Srpska”.
I ftuar në “Debat Plus”, Rexhaj ka thënë se nuk do të ketë një “Zajednicë”.
“Asociacionin ndajeni në dy sfera, juridik dhe politik. Në aspektin juridik, Asociacioni dihet se çfarë i bën Kosovës, e defunkisionalizon në plotni në kuptimin e, dhënies së një mundësie në të ardhmen për të krijuar një Republika Srpska”, ka deklaruar ai duke thënë paraprakisht që “Tashmë, botërisht dihet qëndrimi ynë e që është qëndrim zyrtar e vazhdon të jetë e do të jetë edhe më pastaj, që Asociacion me kompetenca ekzekutive, pra “Zajednicë”, nuk do të ketë për arsye se kjo është më shumë kërkesë e Serbisë në raport me Kosovën. Natyrisht, duke parë zhvillimet e fundit të cilat ndodhën në veri të Mitrovicës se si ndodhën, paramendoni pra një Kosovë me kompetenca ekzekutive ku do t’a shtynte Republikën e Kosovës në çfarë gjendje”.
Krahas kësaj, Rexhaj ka thënë se një presion është parë edhe nga aleatët ndërkombëtar ndonëse Kosova sipas tij, mbetet një ndër popujt më proamerikan por i njëjti, nuk mund t’a pranojë një Asociacion një etnik.
“Natyrisht ka presione ndërkombëtare, ka presion edhe nga SHBA-të edhe nga aleatët tanë mirëpo ju e dini vet, populli më pro amerikan, mos t’a them në hiperbolë, për mendimin tim është Kosova, janë shqiptarët. Mirëpo, pavarësisht kësaj, ne me duart tona nuk mund ta vendosim një Asociacion njëetniki cili realisht do ta defunksionalizojë Republikën e Kosovës”, ka deklaruar ai.
Rexhaj ka theksuar se LVV është pro dialogut por jo pro një Asociacioni i cili nuk e ka kaluar testin e Gjykatës Kushtetuese.
Si jo rrallëherë, Kryeministri i Republikës së Kosovës, Albin Kurti është pyetur sërish për themelimin e Asociacionit të Komunave me Shumicë serbe, në janar të këtij viti
Në një intervistë për të përditshmen austriake “Der Standard”, gjersa ka cituar Planin e Ahtisarit, kreu i ekzekutivit ka deklaruar se Kushtetuta e Kosovës nuk lejon formimin e Asociacionit mbi baza etnike.
“Kushtetuta jonë nuk lejon shoqata të bazuara në kritere etnike, sepse paragrafi i parë i planit të Ahtisaarit thotë: Kosova duhet të jetë shoqëri multietnike. Pra mund të kërkohet bashkim përgjatë maleve të Rugovës apo maleve të Sharrit, por ai nuk duhet të bazohet në identitet kombëtar. Pyes veten edhe pse marrëveshja e Ahtisaarit nuk duhet të jetë e mjaftueshme – ajo përmban shumë mbrojtje të pakicave për serbët. Kur bëhet fjalë për Asociacionin Serb të Komunave, dua t’i referohem edhe Bosnje-Hercegovinës. Më 26 prill 1991, 14 komuna me shumicë serbe atje u bashkuan dhe themeluan një shoqatë; më 9 janar 1992 shpallën pavarësinë dhe më 28 shkurt 1992 miratuan kushtetutën, më 14 shkurt 1992”, ka deklaruar Kurti.
Kryeministri i Kosovës, Albin Kurti, në një konferencë të përbashkët me kancelarin austriak, Karl Nehammer ka thënë se është i nderuar që vizita e tij e parë zyrtare jashtë vendit në këtë vit të bëhet në një qytet si Vjena.
Në këtë konferencë, për Asociacionin e Komunave me Shumicë Serbe, Kurti ka thënë se është një moment kur nëse flitet për një marrëveshje për normalizim të marrëdhënieve me Serbinë, aty edhe çështja e asociacionit mund të adresohet, por duke mos nënvlerësuar Kushtetutën e Kosovës.
Të tjera
-
Dënohen me pesë vite burgim tre zyrtarë të Fushë Kosovës, akuzoheshin për korrupsion
Gjykata Themelore në Prishtinë ka shpallur aktgjykim dënues ndaj tre zyrtarëv...
-
Dy milionë britanikë vuajnë nga simptoma të gjata të COVID-it, tregon studimi
Dy milionë njerëz në të gjithë Anglinë dhe Skocinë ende vuajnë nga simptoma t...
-
Deputetja finlandeze takon presidenten Osmani: Kosova duhet pranuar në Këshillin e Evropës pa parakushte shtesë
Deputetja finlandeze, Tytti Tuppurainen ka takuar presidenten Vjosa Osmani. ...
-
Përfundon gjykimi i Thaçit dhe të tjerëve për këtë javë
Pas përfundimit të dëshmisë së dëshmitarit të 57-të të ZPS-së, gjykimi në çës...
-
Kurti para gjermanëve: Duam t’i bashkohemi BE-së, NATO-s dhe KiE-së
Kryeministri Albin Kurti ka përmendur qëllimin e Kosovës për integrimin euroa...
-
Rikthimi i ftohtit rrezikon të mbjellat në Evropë
Moti i ftohtë i këtyre ditëve e në disa rajone të Evropës edhe breshëri që ka...
-
Zveçan: Policia i gjen armë në shtëpi, i dyshuari dërgohet në mbajtje
Policia e Kosovës njofton se të mërkurën gjatë kontrollit në shtëpinë e një t...
-
Opozita lëshon sallën, shkak raporti i DASH e marrëveshjet ndërkombëtare
Partitë opozitare kanë lëshuar seancën e Kuvendit të Kosovës. Arsyeja për kët...
-
Hulumtimi i Infokusit: Ferat Shala e quan të dyshimtë dhe të kundërligjshme marrëveshjen e Liburn Aliut për tunelin Prizren – Tetovë
Gazeta Infokus ekskluzivisht të mërkurën ka publikuar marrëveshjen e nënshkru...
-
LAJMI I FUNDIT: Lirohen nga akuza Sylejman Selimi dhe Jahir Demaku
Janë liruar nga akuza, Ish-komandanti i Ushtrisë Çlirimtare të Kosovës, Sylej...
-
Murati: S`po ratifikohen marrëveshjet që do të përfitonim 300 milionë euro
Ministri i Financave dhe Transfereve, Hekuran Murati ka thënë se janë 300 mil...
-
Avokati i Popullit, i shqetësuar me akuzat për ngacmime seksuale në UP
Institucioni i Avokatit të Popullit është shprehur jashtëzakonisht i shqetësu...