Lajme

Reuters: Rrahet gazetarja e kthyer në politikane

Autori: Gazeta inFokus 14:38 | 13 May 2017

Një gazetare e shquar kosovare, e cila këtë javë u bashkua me një parti politike, të cilën e kishte kritikuar gjatë, u rrah të shtunën në një parking pranë apartamentit të saj, shkruan Reuters.

Agjencia botërore e lajmeve “Reuters” ka shkruar një artikull për rrahjen e anëtarës së PDK-së Arbana Xharra, përcjellë AktivPress.

Reuters ka shkruar se dhuna politike nuk është e zakonshme në vendin e vogël ballkanik që shpalli pavarësinë nga Serbia në vitin 2008. Ku edhe sulmi i Xharrës u dënua gjerësisht nga udhëheqësit e Kosovës dhe partitë politike.

-Advertisement-

Shkrimi i plotë i Reuters

Arbana Xharra ishte kryeredaktore e gazetës së përditshme Zëri para se të bashkohej me Partinë Demokratike të Kosovës (PDK), partisë më të madhe në vendit. Burimet pranë partisë kanë thënë se ajo ka në plan të garojë në zgjedhjet parlamentare muajin e ardhshëm.

Xharra ishte e njohur për shkrimet e saja që akuzonin zyrtarët e PDK-së dhe partit e tjera për korrupsion dhe nepotizëm.

Kur ajo u bashkua me partinë, duke thënë se donte t’i shërbente qytetarëve dhe të mbetet një zë kritik brenda PDK-së, ajo u dënua nga disa kolegë dhe përkrahës të opozitës.

“Viktima është transportuar në spital dhe gjendja e saj është e qëndrueshme”, tha policia në një deklaratë, pa dhënë më shumë detaje. Askush nuk është arrestuar akoma.

Në vitin 2015, Xharra mori çmimin Ndërkombëtar të Grave të Guximshme nga Departamenti Amerikan i Shtetit për ekspozimin e korrupsionit dhe shkrimet për ekstremizmin fetar. Këtu duke përfshirë emërimin e atyre që janë përgjegjës për rekrutimin e kosovarëve të rinj për t’u bashkuar me luftërat në Siri dhe Irak.

Të enjten, Presidenti i Kosovës Hashim Thaçi thirri një zgjedhje të parakohshme parlamentare për 11 qershor pasi qeveria u hodh poshtë me një mocion mosbesimi një ditë më parë./AktivPress

Subscribe në YouTube: GAZETA INFOKUSI
Etiketa:
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani
-Advertisement-

Të tjera

Fokusi

lajme