Lajme

Reuters: Arritja e marrëveshjes përfundimtare mes Kosovës dhe Serbisë në më pak se një vit

Autori: Gazeta inFokus 17:24 | 06 December 2022

Agjencia britanike Reuters shkruan sot, duke iu referuar burimeve të paidentifikuara nga BE-ja, se në versionin e ri të propozimit për normalizimin e marrëdhënieve ndërmjet Kosovës dhe Serbisë të hartuar nga BE-ja, ka një afat kohor të qartë dhe se marrëveshja përfundimtare është pritet të arrihet për më pak se një vit.

Agjencia raporton se një diplomat i lartë i BE-së tha në margjinat e Samitit BE/Ballkani Perëndimor në Tiranë se një draft i propozimit të ri iu dërgua të dy palëve të hënën.

Sipas burimeve, siç raporton Reuters, të dyja palët pritet të arrijnë një marrëveshje përfundimtare në më pak se një vit.

“Ka shumë gjëra që e bëjnë propozimin një hap të madh përpara në krahasim me situatën aktuale. Nuk është një njohje e plotë, por është një normalizim i plotë i marrëdhënieve,” tha diplomati i paidentifikuar i BE-së.

Siç shton burimi, pas marrjes së opinionit të Beogradit dhe Prishtinës, propozimi është ripunuar dhe përmban një aneks me “një kalendar të qartë të veprimeve kur dhe si duhet të ndodhin gjërat”.

Një burim i paidentifikuar i Reuters i bëri thirrje Beogradit dhe Prishtinës “të vazhdojnë angazhimin e tyre konstruktiv dhe të fokusohen në përparimin në normalizim”.

Përfaqësuesi i Lartë i BE-së për Politikën e Jashtme dhe Sigurinë Joseph Borel tha më herët sot pas mbërritjes në samitin BE-Ballkani Perëndimor në Tiranë se versioni më i fundit i propozimit në dialog tashmë është përcjellë në Beograd dhe Prishtinë.

Borrel tha se versioni i fundit i tekstit është dërguar dje në Beograd dhe sot në Prishtinë për shqyrtim dhe duke iu përgjigjur pyetjes se a është e mundur një zgjidhje deri në vitin 2024, ai tha se nuk duhet të vendosen afate artificiale.

E premtja me zbritje të mëdha në ETC

Të tjera

Fokusi

lajme