Lajme

Reshjet e borës, Ministria e Infrastrukturës jep detaje për gjendjen e rrugëve

Autori: Gazeta inFokus 09:57 | 25 December 2024

Në Kosovë po vazhdojnë reshjet e borës, të cilat gjatë natës kanë krijuar një shtresë të re. Edhe këtë herë ka pasur ankesa për rrugë të papastruara nga bora.

Nga Ministria e Infrastrukturës kanë thënë se të gjitha rrugët që janë përgjegjësi e ministrisë janë të hapura.

“Reshjet e borës po vazhdojnë dhe pritet që të ketë reshje edhe në ditët në vazhdim. Ekipet e mirëmbajtjes janë në teren dhe janë duke intervenuar vazhdimisht në mënyrë që të gjitha rrugët të jenë të kalueshme. Sipas raportimeve nga tereni të gjitha rrugët që janë përgjegjësi e ministrisë janë të hapura. Ju lutemi që të keni kujdes gjatë vozitjes duke respektuar rregullat dhe përshtatur kushteve klimatike. Do të jemi vazhdimisht në gatishmëri që rrugët tona të jenë të hapura për lëvizjen sa më të lehtë për ju”, ka shkruar ai në ‘Facebook’.

-Advertisement-

Reshjet e borës është parashikuar të vazhdojnë edhe gjatë ditës së sotme. Në zonat e ulëta mund të jenë edhe në formë sqote.

Cikloni Elena i bllokuar përreth Egjeu, mbanë kushte për të reshura dëbore edhe ditëve vijuese. Të enjten pasdite reshjet pushojnë, mirëpo të premtën, sërish pritet të bien orëve të mbrëmjes në formë dëbore me mot më të ftohtë. Temperaturat maksimale zbresin në 0C e 2C./Gazeta Infokus/

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme