Reporterët pa Kufij (RSF) kanë publikuar grumbullimin vjetor të dhunës dhe abuzimeve ndaj gazetarëve anembanë botës.

Një total prej 65 gazetarësh u vranë në vitin 2017, ndërsa 326 aktualisht janë në burg ndërkohë që 54 gazetarë janë mbajtur peng.Gazetarët po ikin nga Siria, Jemeni dhe Libia vende këto që janë bërë shumë të rrezikshme, por Reporterët pa Kufij kanë raportuar se gazetarët kanë nevojë për mbrojtje.

OKB ka miratuar disa rezoluta për sigurinë e gazetarëve që nga viti 2006 dhe shumë organizata të lajmeve kanë miratuar procedura sigurie.Rënia nuk vlen për vdekjen e grave gazetarëve, të cilat janë dyfishuar. Dhjetë gra janë vrarë në vitin 2017, krahasuar me vitin 2016, ku kanë ndodhur pesë raste. Shumica e këtyre viktimave ishin reportere hulumtues me eksperiencë në luftë.Përkundër kërcënimeve, ata vazhduan të hetojnë dhe të ekspozojnë rastet e korrupsionit.

-Advertisement-

Viktimat përfshijnë Daphne Caruana Galizia në Maltë, Gauri Lankesh në Indi dhe Miroslava Breach Velducea në Meksikë.Në një tjetër prirje të rëndësishme në vitin 2017, disa vende që nuk janë në luftë janë bërë pothuajse aq të rrezikshme për gazetarët ashtu si zonat e luftës: 46% e vdekjeve kanë ndodhur në vendet ku nuk ka luftë të hapur, kundrejt vitit 2016 ku kanë ndodhur rreth 30% të rasteve.

Në Meksikë kanë ndodhur 11 raste të gazetarëve ndërsa në Siri, që ishte vendi më vdekjeprurës për gazetarët në vitin 2017, kanë vdekur 12 gzetarë.“Gazetarët hulumtues që punojnë në histori të mëdha si korrupsioni dhe skandalet mjedisore luajnë një rol themelor mbikëqyrës dhe janë bërë objektiva për ata që janë të zemëruar nga raportimi i tyre”, ka thënë sekretari i përgjithshëm i RSF, Christophe Deloire.

“Kjo situatë është alarmante nënvizon nevojën për t’u dhënë gazetarëve më shumë mbrojtje në një kohë kur të dy sfidat e raportimit të lajmeve dhe rreziqet po bëhen gjithnjë e më të ndërkombëtarizuara”, është shprehur Deloire.

Ashtu si numri i të vdekurve, numri i gazetarëve në paraburgim ka rënë gjithashtu. Gjithsej 326 gazetarë janë mbajtur në burg që nga 1 dhjetori i vitit 2017, 6% më pak se në vitin 2016.Edhe pse ka rënë numri i gazetarëve të cilët janë në burg, ka një numër jashtëzakonisht të lartë të gazetarëve të arrestuar në vende të caktuara, si Rusia dhe Maroku.

Megjithatë, rreth gjysma e numrit të përgjithshëm të gazetarëve të burgosur po mbahen në vetëm në pesë vende. Kina dhe Turqia janë ende dy burgjet më të mëdha në botë për gazetarët. Ato ndiqen nga Siria, Irani dhe Vietnami.Së fundi, 54 gazetarë janë aktualisht duke u mbajtur nga grupe të armatosura jo shtetërore si Shteti Islamik dhe Houthis në Jemen.

Pothuajse tre të katërtat e këtyre pengjeve vijnë nga radhët e gazetarëve vendas, të cilët zakonisht paguhen pak dhe shpesh duhet të marrin rreziqe të mëdha. Gazetarët e huaj që aktualisht mbahen peng janë rrëmbyer në Siri, por pak dihet për vendndodhjen e tyre aktuale.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-