Auto&Tech

Renaulti bën revolucion në Clion e ri

Autori: Gazeta inFokus 11:40 | 06 January 2018

Renaulti është duke synuar që të ketë njërin prej veturave më të avancuara me lansimin e gjeneratës së pestë të modelit Clio kah fundi i vitit 2018.

Me fuqi të elektrifikuar dhe funksion të vozitjes autonome, Clio do të jetë modeli kryesor i Renaultit në panairin e veturave që mbahet në Paris gjatë muajit shtator.

Image

Tregu i modeleve “supermini” është bombarduar me modelet më të reja gjatë 18 muajve të fundit. Prezantimet e modeleve të reja janë bërë me Fort Fiesta, Volkswagen Polo dhe Citroen C3. Clio aktual ishte modeli më i vjetër në këtë treg të “supermini”

-Advertisement-

Derisa Clio i ri do të përqendrohet në teknologjinë në motor dhe në dizajnin e kabinës, dizajnuesit e këtij modeli janë duke e shfrytëzuar mundësinë që t’i japin një pamje të re modelit.

Modeli i ri është frymëzuar nga koncepti i veturës Renault Symbioz dhe pritet që dritat t’i ketë në formë të shkronjës C.

Image

Ndryshime të mëdha pritet të bëhen brenda kabinës, që do të ketë një ekran më të madh, i cili do të dominojë “maskën”. Ekrani do të ketë mundësinë që të lidhet me telefona të mençur dhe do të ketë disa aplikacione.

Image

Clio i ri do të jetë i bazuar në versionin e përditësuar të platformës CMF-B, të cilin e posedon Nissan Micra. Me këtë platformë Clio do të ketë një motor 1.3 litra “turbocharged” dhe me version tre-cilindra 0.9 litra turbo.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera