Lajme

Rekomandohet aprovimi i remdesivirit për trajtimin e koronavirusit

Autori: Gazeta inFokus 07:04 | 26 June 2020

Komiteti Shkencor për Produkte Mjekësore Humane, i cili vepron brenda Agjencisë Evropiane të Barnave (EMA), i ka rekomanduar kësaj agjencie aprovimin e kushtëzuar të barit remdesivir për të trajtuar sëmundjen COVID-19. Ky është bari i parë që rekomandohet për aprovim në EMA dhe vendimi, sipas komunikatës së këtij institucioni, pritet të merret brenda disa ditëve.

produkt, sipas komunikatës, rekomandohet për trajtimin e personave të rritur dhe për fëmijët mbi 12 vjeç të infektuar me COVID-19, që kanë pneumoni dhe nevojë për oksigjen shtesë. Këto janë disa prej kushtëzimeve që ka dhënë Komiteti Mjekësor për përdorim të këtij bari dhe kategoritë e pacientëve që duhet ta përdorin këtë bari.

Sipas komunikatës së EMA-s, në përgjithësi, studimi tregoi se pacientët e trajtuar me remdesivir u shëruan pas rreth 11 ditësh, krahasuar me 15 ditë sa iu deshën për shërim pacientëve që merrnin placebo (placebo përdoret si shprehje për një bar pa efekt shërues që iu jepet pacientëve për t’i bindur se po marrin trajtimin e vërtetë).

-Advertisement-

“Ky efekt nuk u vërejt tek pacientët me sëmundje me simptoma të lehta deri në mesatare, ku koha e rikuperimit ishte 5 ditë si për grupin që merrnin remdesivir, ashtu edhe për grupin e placebos. Për pacientët me sëmundje të rëndë, të cilët përbënin afërsisht 90 për qind të pacientëve që ishin pjesë e studimit, koha e shërimit ishte 12 ditë në grupin që merrnin remdesivir dhe 18 ditë në grupin e placebos”, thuhet në komunikatën e EMA-s.

Pas rekomandimi për aprovim të këtij bari, kryetari i Odës së Farmacistëve të Kosovës, Arianit Jakupi, ka thënë se është e rëndësishme që Kosova të mund të sigurojë një sasi të dozave që do të mund të përdorej tek pacientët që janë në gjendje të rëndë për të shmangur fatalitetin.

Subscribe në YouTube: GAZETA INFOKUSI
Blerando i Big Brother Vip Kosova – fytyra e re e Prince Espresso

Të tjera