Regjisorja Berisha u gjet e vdekur në zyrën e saj, policia jep detaje
Autori: Gazeta inFokus 09:20 | 28 October 2021
Mesditën e së mërkurës, regjisorja Burbuqe Berisha ka vdekur derisa ishte në vendin e saj të punës, në Ministri të Kulturës.
Policia e Kosovës në raportin 24 orësh ka bërë të ditur se Berisha u gjet e vdekur në zyrën e saj, ndërkaq vdekjen e ka konstatuar mjeku kujdestar.
Po ashtu, është bërë e ditur se trupi i pajetë i viktimës është dërguar në Institutin e Mjekësisë Ligjore për obduksion.
“Prishtinë 27.10.2021-13:20. Viktima femër kosovare është gjetur pa shenja jete në zyrën e saj në Ministrinë e Kulturës. Vdekjen e ka konstatuar mjeku kujdestar. Me vendim të prokurorit, trupi i pa jetë është dërguar në IML për obduksion”, ka njoftuar policia.
Ndryshe varrimi i regjisores Burbuqe Berisha do të bëhet sot në orën 15:00, në varrezat e qytetit në Prishtinë.
Lajmin e ka bërë të ditur motra e saj, Trëndelina Berisha, e cila ka dhënë detaje rreth ceremonisë mortore për regjisoren.
“Ju njoftojmë se ceremonia mortore mbahet me datën 28 tetor, duke filluar me mbledhjen komemorative të organizuar nga Kolegji AAB, në teatrin “Faruk Begolli”, me fillim në orën 10:00. Pastaj nga ora 12-14, nën organizimin e MKRS, mbahen homazhe në Teatrin Kombëtar, ndërsa ceremonia e varrimit bëhet në orën 15, në varrezat e qytetit, në Prishtinë. Ditën e premte, me 29 tetor, në orën 11:00, në Teatrin Kombëtar, nën organizimin e Ministrisë së Kulturës, mbahet mbledhja komemorative, për nderimin e jetës dhe veprës së Buqes tonë. Me këtë rast falënderojmë përzemërsisht Kolegjin AAB, MKRS-në dhe gjithë shoqërinë, familjarët dhe dashamirët, që gjatë gjithë kohës ishin dhe vazhdojnë të jenë me ne duke bashkë ndarë dhembjen!”, shkroi ajo.
Ajo ka shkruar fjalë prekëse për të.
“Motra ime, shpirti im i bardhë, ti që ishe motër, nënë e babë për ne, mua, Vjollcën dhe Dardanin. U rritëm me shumë sakrifica, pa prindërit tanë, por gjithmonë qëndruam të lidhur e të bashkuar. Krahu ynë sot u këput, ike papritmas dhe na le në pikëllim të thellë e me zemër të thyer. Nuk ka fjalë që ta përshkruajë dhimbjen që ndiejmë për humbjen tënde. Kontributi yt ishte shumë i madh jo vetëm për familjen por edhe për gjithë vendin tonë! Pusho e qetë shpirti jonë i bardhë!”, ka shkruar Trëndelina./
Të tjera
-
Intervistohet një person për zjarrvënie në disa ara të Klinës
Një person është intervistuar për zjarrvënie të qëllimshme në disa ara të fsh...
-
Gjendja në pikat kufitarë të Kosovës
Pritjet më të gjata për të dalë nga Kosova janë te Dheu i Bardhë dhe në Merda...
-
Rritja e numrit të ushtarëve gjermanë në Kosovë, Bundeswehr: Prezenca e KFOR-it akoma e nevojshme
Shteti gjerman vitin e fundit ka rritur numrin e ushtarëve në kuadër të KFOR-...
-
30 gushti është afati i fundit – A ka ndonjë aplikacion për koalicion nga partitë?
Ndonëse 30 gushti është afati i fundit për aplikim për subjektet politike që ...
-
Dorëhiqet nga LVV asamblisti më i votuar në Rahovec: Kurti ka linçuar besimtarët myslimanë
Ilir Pallqa, kandidati më i votuar për Asamble Komunale nga Lëvizja Vetëvendo...
-
Plạgoset një burrë në Ferizaj
Policia e Kosovës ka njoftuar për plagosjen e një burri në fshatin Greme të F...
-
Macron: Arrestimi i shefit të Telegramit nuk ishte vendim politik
Presidenti i Francës, Emmanuel Macron, tha se arrestimi i Pavel Durov, themel...
-
Bajqinovci: Gjatë qeverisjes së Kurtit, Kosova ka shënuar përparime gjigante
Deputeti i Lëvizjes Vetëvendosje, Mefail Bajqinovci thotë se gjatë qeverisjes...
-
Ish-inspektori i AKI-së flet për takimin e Burns me Kurtin, thotë se erdhi për porosi të qarta
Ish-inspektori i AKI-së, Shkëlzen Sopjani, ka folur për vizitën e shefit të C...
-
Aktakuzë ndaj një serbi, Prokuroria Speciale: I pandehuri ka kryer dhunë seksuale si krim i luftës ndaj një viktime shqiptare
Prokuroria Speciale e Republikës së Kosovës ka ngritur sot aktakuzë në Gjykat...
-
Ish i burgosuri politik i përmend me emra UDB-ashët shqiptarë që e torturuan çnjerëzisht
“Refik Thaqi, Sinan Rexhepi, Ramadan Syla, Daut Morina dhe Tefik Mehmeti”. ...
-
Nis shitja e librave shkollorë
Prindërit tashmë ua kanë mësyrë librarive për t`i blerë librat për fëmijët, n...