Lajme

Regjimi i Asadit sulme në “zonat jokonfliktuale” në Siri

Autori: Gazeta inFokus 14:43 | 04 July 2017

Regjimi i Bashar al Asadit në Siri, në kohën kur negociatat në Astana po vazhdojnë, ndërmori një sulm ajror në qytezën Duma, që ndodhet në “zonat jokonfliktuale”, raporton Anadolu Agency (AA).

Firas el Halli, zyrtari i mbrojtjes civile të qytezës Duma, e cila ndodhet në rajonin Guta Lindore, në lindje të Shamit, në një deklaratë për gazetarin e AA-së tha se avionët ushtarakë të regjimit kanë bombarduar vendbanimin në qytezën Duma.

Duke bërë të ditur se në sulm kanë humbur jetën 1 fëmijë dhe një grua, Halli njoftoi se një numër i madh i civilëve janë plagosur.

-Advertisement-

Duma gjatë 5 vitesh ndodhet nën rrethimin e regjimit dhe të ushtarëve të grupeve terroriste të huaj, mbështetës të regjimit.

Qyteza Duma ku jetojnë rreth 200 mijë persona ndodhet në mesin e “zonave jokonfliktuale” të cilat parashikohen të formohen në kuadër të memorandumit të nënshkruar mes të Rusisë, Turqisë dhe Iranit në takimin e Astanas më 4-5 maj.

Në raundin e pestë të negociatave në Astana, e cila filloi sot, po diskutohen temat si përcaktimi i kufirit dhe përmbajtjeve tjera lidhur me vendosjen e zonave jokonfliktuale në Siri, krijimi i një komiteti koordinues mes tre shteteve garantuese me qëllim të monitorimit të armëpushimit si dhe lirimi i të burgosurve të cilët ndodhen në burgjet e regjimit.

Subscribe në YouTube: GAZETA INFOKUSI