Refuzimi i kandidaturave në degët e komunave-flasin aktivistët e LVV-së
Autori: Gazeta inFokus 22:52 | 14 September 2022
Ramadan Beshiri, aktivist i Lëvizjes Vetëvendosje, të cilit i është refuzuar kandidatura për kryetar të degës në Mitrovicë, ka thënë se pavarësisht kësaj, nuk do të dalë nga partia, por do të bëjë opozitë nga brenda.
Beshiri ka thënë se kandidatura i është refuzuar për shkak se, sipas tij, figura e tij nuk u është përshtatur disave në Prishtinë.
Ai ka potencuar se nuk i janë dhënë arsyet objektive për refuzimin e kandidaturës së tij.
“Dua të qëndroj nga brenda dhe të bëjë opozitë. Në një moment të caktuar eleminojnë kandidatë vetëm pse nuk përshtatemi disave në Prishtinë. Pardje në mëngjes, një vendim që më është kumtuar në formë verbale, më është bërë i ditur se nuk jam certifikuar, duke mos më dhënë më shumë arsye”, ka deklaruar ai në “Debat Plus”
Për dallim nga Beshiri, Shkëlzen Bislimi nga Lipjani, ka thënë se nuk do të jetë më aktivist i Lëvizjes Vetëvendosje, për shkak të refuzimit që partia i ka bërë kandidaturës së tij për kryetar të degës në Komunën e Lipjanit.
Bislimi është shprehur se e kanë ftuar në zyrat e LVV-së, dhe zyrtarë të kësaj partie nuk e kanë lejuar as ta printojë e as ta fotografojë arsyetimin e refuzimit.
Ai ka bërë të ditur se ka qenë aktivist i LVV-së që nga viti 2016.
“Jam prej 2016 në Lëvizjen Vetëvendosje, që gjashtë vjet, familjarët e mi kanë qenë mjaft aktivë për LVV-në në Lipjan. Më ftuan në zyrat e LVV-së, dhe më thanë se duhet të shkoj ta sho arsyetimin e refuzimit të kandidimit. Nuk ma kanë dërguar në email as s’ma kanë printuar dhe s’më lanë ta fotografoj. Thjesht më thanë ulu lexoje”, ka thënë ai.
Me dy parafolësit, nuk është pajtuar aktivisti i LVV-së në komunën e Malishevës, Dardan Krasniqi. Ai ka thënë se aktivistët, siç i ka quajtur ata “të vërtetë”, nuk duhet të dalin nga partia pavarësisht pengesave që mund t’i hasin aty brenda.
Krasniqi është shprehur se nuk mund të ketë frymë të largimeve nga LVV-ja. Sipas tij, gjithmonë mund të ketë pakënaqësi, por këto duhet të tejkalohen.
“LVV është rritur, njerëzit kanë ambicie, në këtë rritje jo secili mund të jetë kandidat, duhet ta shohë edhe rrugëtimin e lëvizjes. Mendoj që aktivisti i vërtetë që në fillesa, misioni kryesor është që të jetë kritik aty ku LVV është e dobët në organizim në shtrirje, dhe jo të kulmon se m’u mohua një kandidaturë dhe ta shohë fundin”, ka thënë ai.
“Nuk ndaj këtë vendim, aktivisti i vërtetë aty duhet të rrijë pavarësisht pengesave. LVV e ka hapësirën që t’i tejkalojë këto që po ndodhin, nuk shoh ndonjë frymë të largimeve, ka pakënaqësi, por këto nuk më shqetësojnë, sepse më shumë e shoh se kritika duhet të jetë sesi lëvizja të vazhdojë tutje”, ka vijuar Krasniqi.
Në “Debat Plus”, është duke u diskutuar për “frymën e largimeve” nga Lëvizja Vetëvendosje.
Të tjera
-
Kosovari që u arrestua nën pretekstin për kri*me lu*fte në Serbi, nesër del para gjykatës
Kosovari që u arrestua nën pretekstin për krime lufte në Serbi, nesër del par...
-
Lirohet zëvendësdrejtori i Policisë së Kosovës që u arrestua nga Serbia
Zëvendësdrejtori i Policisë së Kosovës, Dejan Jankoviq, që u ndalua në kufi n...
-
Të shtëna armësh në Prishtinë
Mbrëmjen e sotshme në Prishtinë, në afërsi të një pompe derivatesh, ka pasur ...
-
Gazeta ukrainase: Më e udhës Kyivi ta zgjedh partnere Kosovën se Beogradin prorus -humbje historike për Serbinë në Strasburg
Asambleja Parlamentare e Këshillit të Evropës (PACE), të martën në mbrëmje vo...
-
Hoxhaj në Austri takon ish-kancelarin Kurz dhe deputetë austriakë, ka një kërkesë për ta
Ish-ministri i jashtëm i Kosovës, Enver Hoxhaj, gjatë një vizite në Austri, k...
-
Prindon Sadriu i gëzohet çmimit që e mori Presidentja: Krenar me ty
Presidentes së Kosovës Vjosa Osmani i është ndarë çmimi Evropian nga shoqëria...
-
Maqedonci ngre alarmin: Serbia nesër do të testojë dronë kamikazë në kufi me Kosovën
Ministri i Mbrojtjes, Ejup Maqedonci 24 orë pas bllokimit në kufi me Serbinë ...
-
Gërvalla takon ambasadorin amerikan – diskutuan për këto çështje
Ministrja e Punëve të Jashtme dhe Diasporës, Donika Gërvalla, ka zhvilluar ta...
-
ShBA do të vërë veton ndaj anëtarësimit të Palestinës në OKB
ShBA do të ushtrojë të drejtën e vetos nesër në një takim të Këshillit të Sig...
-
I vazhdohet paraburgimi Thaçit, Veselit dhe Bahtjarit
Në Dhomat e Specializuara të Kosovës (DhSK) në Hagë është marrë vendim për të...
-
Panairi i Kantonit, një mundësi për zgjerimin e komunikimit në fushën e biznesit
Kryeministri kinez Li Qiang u shpreh gjatë takimit me biznesmenët e huaj, pje...
-
Lëkundje të forta tërmeti në Turqi
Një tërmet më magnitudë 5.6 ballë është regjistruar në Turqi në provincën e T...