Ministria e Ekonomisë ka reaguar pas njoftimit për shtrenjtim të rrymës dhe reduktime 6 orë me rrymë e dy pa rrymë të cilat kanë filluar nga sot.

Përmes një komunikate nga kjo ministri janë munduar të arsyetojnë krizën me energjinë elektrike në stinën e verës duke thënë se përveç të tjerash edhe është rritur çmimi i energjisë në bursë.

Arsye tjetër e kësaj krizë sipas ministrisë është kriza që tashmë ka kapluar gjithë Evropën ndërsa brenda në vend kësaj krize i ka kontribuuar edhe sipas tyre humbjet komerciale të shkaktuara nga vjedhjet në KEDS, shkruan Gazeta Infokus.

Derisa në këtë komunikatë kanë shtuar se është duke u punuar që gjendja me energjinë dhe furnizimin ti kthehet normalitetit dhe po ashtu është paralajmëruar që do të merren masa ndaj atyre që vjedhin energjinë elektrike.

Reagimi i plotë nga Ministria e Ekonomisë:

“Mbi gjendjen e furnizimit me energji elektrike dhe masat e emergjencës

Prishtinë, 15.08.2022 – Ditën e sotme qytetarët janë njoftuar për ndërprerje të energjisë elektrike në orare të caktuara nga KEDS/KESCO.

Për situatën e krijuar duam të ju njoftojmë si në vijim:

Prodhimi ditor i Korporatës Elektroenergjitike të Kosovës (KEK) është rreth 507 MWh.

Kërkesa për konsum është deri në 750 MWh.

Çmimi në bursën Hungareze (HUPX) është rreth 430 euro për MWh.

Humbjet komerciale (të shkaktuara nga vjedhjet) dhe teknike të Kompanisë KEDS janë 19%. Këto humbje ende mbulohen nga të gjithë, pra prodhimi ose importi, jo nga vet KEDS-i.

Institucionet përgjegjëse që monitorojnë punën e akterëve të furnizimit me energji, janë duke marrë të gjitha hapat që furnizimi me energji elektrike t’i kthehet normalitetit.

Kriza energjetike ka kapluar Evropën, siç kemi paralajmëruar me rastin e shpalljes së gjendjes emergjente në furnizimin me energji elektrike. Është me rëndësi që secila e secili prej nesh të kemi kujdes dhe të kursejmë shpenzimin e energjisë elektrike gjatë gjithë ditës. Kursimi i vogël individual do ta lehtësonte tejet shumë furnizimin me energji elektrike, si dhe to të lehtësonte vështirësitë të mëdha që po kalon dhe do të kalojë vendi.

Ne jemi duke bërë gati masat jo vetëm për furnizim të rregullt, por veçanërisht për të ndërprerë përdorimin e paautorizuar të energjisë elektrike, pra humbjet nga vjedhjet. Këto humbje vazhdojnë të jenë shumë të larta e për të cilat kompania dhe institucionet përgjegjëse nuk kanë arritur rezultate.

Askush, e aq më pak qytetarët dhe buxheti i vendit, nuk duhet të paguajnë çmimin e lartë të importit për ata që tolerohen të vjedhin energji. Prandaj, në këto kushte Qeveria, me mjetet dhe kompetencat e saj, do të ndërhyjë për ta minimizuar deri në ndalje të plotë këtë dukuri, pa asnjë kompromis.

Tutje, Qeveria do të marrë masa për çështjen e ngrohjes gjatë muajve në vijim për të ndihmuar qytetarët. Prandaj, të gjithë qytetarët dhe sipërmarrësit, të cilët janë duke planifikuar të bëjnë investime në sistemet e tyre të ngrohjes, ftohen e rikujtohen që t’i ndërrojnë ato nga energjia elektrike në forma të tjera të burimit të energjisë.

Po ashtu ju njoftojmë dhe me të dhënat nga Korporata Elektroenergjitike e Kosovës si më poshtë:

Kosova A – A3 dhe A4 janë në prodhim;

Kosova B – B1 është përfunduar remonti dhe është në prodhim; B2 remonti ka filluar dhe do të përfundojë më 26 gusht 2022.”.

Kujtojmë që reduktimet kanë nisur nga sot, derisa të dielën në një njoftim për media KEDS ka bërë të ditur se reduktimet do të jenë 6 orë me rrymë dhe 2 pa rrymë për të gjithë konsumatorët. Ndërsa kanë shtuar se këtë gjendje e solli edhe mos realizimi premtimit te qeverisë për subvencionimin e 100 milionë eurove për KECSON./Gazeta Infokus/

BKT Kosova vlerësohet për herë të tretë "Banka e Vitit 2023 në Kosovë" nga The Banker

Sponsoruar