Lajme

Redaktori serb: Sjellja e Vuçiqit me flamur në OKB ishe cirk

Autori: Gazeta inFokus 13:39 | 24 May 2024

Redaktori i seksionit politik të portalit Nova.rs, Vojislav Milovanqeviq, vlerësoi për portalin N1, me rastin e miratimit të Rezolutës në OKB e cila shpall 11 korrikun si Ditën Ndërkombëtare të Përkujtimit të Gjenocidit në Srebrenicë, se që kur presidenti i Serbisë Aleksandar Vuçiq njoftoi për atë rezolutë, gjithçka ka shkuar në drejtim të krijimit të një cirku.

“Disi kam përshtypjen se jemi në një lloj eksperimenti si shoqëri, si komunitet, ku me këmbëngulje përpiqen të shqyrtojnë se sa mund të durojë një popull, të jetojë në rrethana që nuk janë të natyrshme, ose nëse doni, nuk janë logjike dhe të shëndetshme”, thekson Millovançeviq.

Ai iu referua edhe mbështjelljes së Vuçiqit me flamur në Asamblenë e Përgjithshme të OKB-së, duke treguar se bëhej fjalë për nënçmim të flamurit, duke e përdorur atë për qëllime propagandistike.

-Advertisement-

“Dje, në momentin kur po ndodhte e gjithë kjo, kur u bë bujë në të gjithë qytetin dhe kur njerëzit ‘spontanisht’ dolën në rrugë me flamuj, isha dëshmitar i një bisede mes dy personave në rrugë, ku njëri tha, dhe mendoj se shpjegon qartë gjithçka që kaluam një muaj e gjysmë të fundit, e ndoshta edhe një vit, ‘do ta blija flamurin, por flamuri kushton 2000 dinarë, nuk i kam këto para për ta blerë. Dua, por nuk kam. Nuk kam para’. Mendoj se kjo e shpjegon shumë situatën”, thotë ai.

Ai shton se “nëse një person mendon të na ngacmojë në trafikun e orëve të pikut – ai mund ta bëjë këtë, nëse mendon të urdhërojë të bien këmbanat e kishës, ato do të bien, nëse një person mendon të japë një temë, gjë që në thelb nuk e bën të mos ndryshojë asgjë në marrëdhëniet e fuqive të mëdha ndaj nesh, në përgjithësi në pozicionin tonë ndërkombëtar, nëse i shkon mendja ta vendosë atë temë në piedestal dhe të flasë për të, ne vetëm do të flasim për të”.

Millovançeviq shtoi se vetëm në Serbi është thënë se me atë rezolutë populli serb ka dashur të etiketohet si gjenocid, gjë që nuk përmendet askund, e as që e ka thënë dikush në bashkësinë ndërkombëtare. /N1info

Subscribe në YouTube: GAZETA INFOKUSI
Për Festën e Bajramit, ZBRITJE deri n’KUPË t’QIELLIT!

Të tjera