Lajme

Reçica-Qeverisë: Së shpejti ju sjellim për miratim propozimin e ri për pagë minimale

Autori: Gazeta inFokus 16:32 | 18 April 2019

Ministri i Punës dhe Mirëqenies Sociale, Skender Reçica ka folur sërish rreth ngritjes së pagës minimale, kësaj radhe në mbledhjen e Qeverisë.

Reçica ka njoftuar se Këshillit Ekonomiko-Social (KES) në fund të vitit 2018 i ka kaluar mandati ndërsa sot mbahet takimi i parë për konstituimin e KES-it me anëtarët e rinj, ku edhe do të diskutohet për pagën minimale.

“Në këtë mbledhje do të kërkojmë nga komisioni profesional për financa, ekonomi dhe privatizim që menjëherë të filloj punën për propozimin e ri për pagën minimale”, tha ministri.

-Advertisement-

Kujtojmë se në fund të vitit 2017, KES, i udhëhequr atë kohë nga ministri Reçica kishte dalë me propozim për rritje të pagës minimale në vlerë 250 euro dhe të njëjtin e kishte dërguar për miratim në Qeveri më 11 Janar 2018, propozim që nuk ishte vënë asnjëherë në rend të dite nga Qeveria.

Subscribe në YouTube: GAZETA INFOKUSI

Të tjera

Fokusi

lajme