Sport

Real i paqartë: Bale mund të qëndrojë

Autori: Gazeta inFokus 10:15 | 13 August 2019

Gareth Bale është aktivizuar sërish me Real Madridin pas disa ndeshjeve mungesë në miqësoret e zhvilluara nga ‘Los Blancos’.

Bale u fut si zëvendësues në pjesën e dytë në miqësoren e fundit të Realit, atë kundër Romës në Olimpico. Uellsiani arriti të shënojë penalltinë e tij.

Siç duket Real nuk është i bindur plotësisht për shitjen e tij. Bale ishte pranë transferimit në Kinë por Reali i mbylli diskutimet dhe vendosi të mos ta shesë atje. Më herët Zidane ka thënë që largimi i uellsianit është mirë për të gjitha palët.

-Advertisement-

Bale ka edhe tre vite kontratë me Realin ku ai mund të qëndrojë deri në vitin 2022.

Në miqësoren përballë Romës, Reali humbi pas gjuajtjes së penalltive. Koha e rregullut mbaroi në barazim 2-2 ku Reali kaloi dy herë në avantazh me Marcelon dhe Casemirën ndërsa Roma barazoi dy herë me Perotti dhe Edin Dzeko.

Pas kohës së rregullt u gjuajtën pënalltitë ku Roma fitoi 5-4 me penallti pasi për Realin gaboi Marcelo.

Subscribe në YouTube: GAZETA INFOKUSI