Lajme

Reagon Rizvanolli: Edhe nëse aprovohen tarifat e reja, çmimi i rrymës në Kosovë mbetet më i ulëti në Evropë

Autori: Gazeta inFokus 13:11 | 20 January 2022

Ministrja e Ekonomisë, Artane Rizvanolli ka thënë se në seancën e sotme të Kuvendit të Kosovës janë thënë të pavërteta rreth tarifave të energjisë elektrike të propozuara nga Zyra e Rregullatorit të Energjisë, shkruan Gazeta Infokus.

Rizvanolli përmes një postimi në rrjetin social ‘Facebook’, deklaroi se në Kosovë tarifa për konsumatorë shtëpiak mbetet më e ulëta në Evropë.

Po ashtu ajo ka thënë se deklaratat e deputetëve se çmimi i rrymës në Kosovë është i ngjashëm me Italinë janë të pavërteta.
“Sot në Kuvend u thanë shumë të pavërteta rreth tarifave të energjisë të propozuara nga ZRrE dhe të subvencionuara nga Qeveria e Republikës së Kosovës. Një nga më të rëndat ishin deklaratat e disa deputetëve të opozitës se çmimi i energjisë po bëhet 21 cent/kWh, ngjashëm me vendet si Italia. Për hir të opinionit publik dua të përmirësoj këto të pavërteta: Në fakt, tarifa (mesatare) për konsumatorët shtëpiakë mbetet më e ulëta në Evropë, me përjashtim të Ukrainës, edhe nëse rritet tarifa në përputhje me propozimin e ZRrE dhe subvencionin e Qeverisë”, ka shkruar ajo./Gazeta Infokus/

-Advertisement-

Subscribe në YouTube: GAZETA INFOKUSI
Etiketa:
Po, Po 31 Vetura Dacia Logan shpërblim për konsumator nga ETC

Të tjera

Fokusi

lajme