Lajme

Reagon policia e Kosovës pasi u raportua se në Karaçevë ka hyrë xhandarmëria serbe

Autori: Gazeta inFokus 15:31 | 08 April 2021

Policia e Kosovës ka reaguar pasi në media u raportua se xhandarmëria serbe është parë në fshatin Karaçevë, shkruan Gazeta inFokus.

Sipas policisë, aty është ,mbajtur një takim zyrtar mes përfaqësuesve të KFOR-it, në përbërje prej KFOR-it Amerikan, Turk dhe palës serbe.

“Shkrimet e publikuara nuk qëndrojnë dhe nuk i përkasin ndonjë informacioni zyrtar, pasi në datën 06.04.2021, është mbajtur një takim zyrtar në mes të përfaqësuesve të KFOR-it, në përbërje prej KFOR-it Amerikan, Turk dhe palës serbe”, thuhet në sqarimin për medie.

Ndërsa kanë shtuar se Policia e Kosovës do të vazhdoj të jetë e përkushtuar në realizimin e detyrave dhe përgjegjësive të saja ligjore ndaj qytetarëve dhe vendit, si dhe informimin e drejt të opinionit publik. /Gazeta inFokus/

Të tjera

Fokusi

lajme