Artisti i njohur shqiptare Naser Rafuna ka reaguar në lidhje me situaten e krijuar rreth vendosjes së shtatores së Anton Çettës.

Ai ka postuar në faqen e tij zyrtare në Facebook, duke folur me mall e respekt për jeten dhe vepren e ish-profesorit dhe pajtuesit të gjaqeve Anton Çettës.

“A ka me trimëri se me fal,kur mundësh me u hakmarrë. Po më trim e burrë se ky që fal,padyshim është ai që mundëson-sebepi me e bo këtë vepër-faljen. Të falemnderit o Zot që e dërgove nga mesi ynë një burrë të madh si Anton ÇETTA me shokët e tij.

Emri dhe vepra e tij është më e madhe se çështja e shtatorës së tij. Pastë burra të tillë përherë ky vend”, ka shkruar artisti.

Dje familja e Anton Çetës ka dal kundër një ideje që shtatorja të vendoset në oborrin e Katedrales në Prishtinë.

Artisti u shpreh që jeta dhe puna e ish-profesorit dhe pajtuesit të gjaqeve është më e madhe se çdo situatë e krijuar tani.