Lajme

Reagon ministrja e Drejtësisë pasi Kosova u ngrit për 17 pozita më lart në luftën kundër korrupsionit

Autori: Gazeta inFokus 14:15 | 25 January 2022

Ministrja e Drejtësisë, Albulena Haxhiu, ka reaguar pasi ‘Transparency International’ ka publikuar raportin e fundit për 180 shtete në luftën kundër korrupsionit, shkruan Gazeta inFokus.

Sipas këtij raporti Kosova në vitin 2021 ka shënuar progres në këtë drejtim, duke u renditur e 87-ta nga 180 shtete.

Për këtë Haxhiu ka thënë se ky është vetëm fillimi, pasi synojnë që brenda këtij mandati Kosova të arrijë mesataren globale e t’i afrohet mesatares evropiane.

-Advertisement-

“Sot, Transparency International ka njohur progresin në luftën kundër korrupsionit duke renditur Republikën e Kosovës në vendin e 87-të nga 180 vende. Në vitin 2020 ishim në vendin e 104, kurse sot jemi 17 vende më poshtë! Kosova ka marr 39 pikë nga 100 të mundshme, por ky është vetëm fillimi. Synimi ynë është që brenda këtij mandati, Kosova të arrijë mesataren globale e ti afrohet mesatares evropiane”, ka shkruar Haxhiu në facebook.

Me pas ministrja e Drejtësisë që është nga radhët e Lëvizjes Vetëvendosje ka përmendur disa nga hapat që si qeveri kanë ndërmarrë në luftimin e korrupsionit në Kosovë.

“Përkushtimi ynë në luftën kundër korrupsionit, përveç kompletimit të pakos ligjore Anti-korrupsion, përkthehet gjithashtu përmes realizimit të Strategjisë për Sundimin e Ligjit, Vettingut në drejtësi, jetësimit të Byrosë Shtetërore për verifikimin e pasurisë së pajustifikueshme por edhe me mbështetjen buxhetore për sistemin e drejtësisë. Kosova ka shumë sfida, por edhe ne kemi vullnet të madh dhe nuk ndalemi deri në jetësimin e zotimeve tona”, përfundoi ajo.

Kosova në vitin 2020 në luftën kundër korrupsionit është renditur në vendin e 104, kurse sot pozicionohet e 87-ta, duke pësuar ngritje për 17 vende./Gazeta inFokus/

Subscribe në YouTube: GAZETA INFOKUSI
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme