Lajme

Reagon MASHTI për Udhëzimin Administrativ që ndalon shaminë: Çdo fëmijë do të jetë në banka shkollore

Autori: Gazeta inFokus 15:24 | 11 August 2022

Ministria e Arsimit, Shkencës dhe Tekonlogjisë, ka bërë të ditur se është duke bërë përgatitjet  e duhura që viti i ri shkollor të nis sipas planit.

MASHT-i shtoi se është duke i trajtuar me kujdes aspektet ligjore dhe rregullimin e çështjeve të rëndësishme në mënyrën më të mirë të mundshme.

Në njoftim thuhet se e drejta për shkollim është e garantuar me Konventën Evropiane të të Drejtave të Njeriut, Kushtetutën e Kosovës, Ligjin për Arsimin Parauniversitar, dhe sipas tyre, konform përgjegjësive do t’i përmbushim të gjitha obligimet ligjore dhe do të sigurohen që çdo fëmijë të jetë në bankat shkollore.

-Advertisement-

Ky është reagimi i parë i MASHTI-it pas iniciativës që ka nisur në rrjete sociale për ndryshimin e Udhëzimit Administrativ që ndalon hyrjen në shkolla të gjithë nxënëset që kanë mbulesë.

“Ministria e Arsimit do të angazhohet në avancimin e sistemit arsimor dhe krijimin e një mjedisi të sigurt, të favorshëm dhe mbështetës për të gjithë ku askush nuk ndihet i përjashtuar dhe cenuar”, thuhet në njoftim.

Tutje, thuhet se kjo ministri tashmë është në fazën përfundimtare të përgatitjeve për fillimin e vitit të ri shkollor dhe presin që procesi të nis sipas planifikimeve.

Subscribe në YouTube: GAZETA INFOKUSI
Etiketa:
MYZHDE për krejt!

Të tjera

Fokusi

lajme