Lajme

Reagon LDK-ja në Podujevë: Ndaleni presionin ndaj drejtorëve të shkollave për ta ndërprerë grevën

Autori: Gazeta inFokus 09:12 | 05 September 2022

“Të ndalet menjëherë presioni ndaj drejtorëve të shkollave dhe personelit arsimorë në Podujevë”.

Ky është reagimi i Ekrem Hysenit, kryetar i degës së Lidhjes Demokratike të Kosovës (LDK) në Podujevë, pasi drejtori i Arsimit të kësaj komune ka thënë se “greva ka mbaruar”.

Madje tri shkolla në këtë qytet njoftuan se mësimi vazhdon.

Ky është problem i nivelit qendror dhe përdorimi i komunave për qëllime politike eshtë i papranueshëm”, ka thënë Hyseni.

Komunat ku qeverisë Lëvizja Vetëvendosje po e përkrahin ndërprerjen e grevës.

“Situata e krijuar sot nga ndërhyrja e pushtetit lokal në drejtorët e shkollave po shkakton konfuzion të madh te prinderit dhe nxënësit tanë. Kjo është e papranushme”, thotë kandiati për kryetar të Podujevës.

“Tendenca e përdorimit të shkollave të Llapit për realizim të axhendave politike do të prodhojë probleme edhe për të ardhmen, sepse të njejtit do të punojnë bashkë edhe pas këtyre situatave”, mbaron postimi i tij në Facebook.

Të tjera