Ish-drejtori gjeneral i RTK-së, Mentor Shala përmes një postimi në Facebook ka kritikuar reagimet që po bëhen pas zgjedhjes së drejtorit të ri të televizionit të RTK-së, Rilind Gërvallës.

Shala, ka hedhur akuza se edhe vendimi që drejtor general i RTK-së, të jetë Shkumbin Ahmetxhekaj, është marrë në “oda të VV-së”.

“Krejt çasja që po bahet është e gabueshme! Po sulmohet biri para babës që ësbtë i zoti i shpisë!!! Drejtor Gjeneral (i zoti i shpisë) është Shkumbin Ahmetxhekaj e ’baba’ i tij është Besnik Boletini kryetar i Bordit. E ju kolegë të nderum e sulmoni Rilind Gërvallën! Kush e pruni Shkumbin Ahmetxhekajn në krye të RTK? A keni hulumtu? A e keni vet Flutra Kusarin për këtë punë? A e keni vet Vjosa Osmanin, përndryshe presidenten për këtë punë? Shkumbin Ahmetxhekaj është i dekretuar nga pushteti me qenë Drejtor Gjeneral. Edhe ne cilën odë e di ku është vendos që ai me qenë Drejtor Gjeneral? Edhe cili deputet ka qenë ‘veza’ (lidhja) që e ka kry këtë punë. E msit i kësaj pune ka qenë Driton Hetemi e Besnik Boletini në odën e një deputeti të VV.”, ka shkruar ai.

Tutje, Shala ka përmendur edhe vendimet e drejtorit general të RTK-së, në bazë të cilave janës larguar rreth 250 persona nga puna.

“Prandaj, kolegë të dashtun mos ju gjuni në qafë Rilindit se ai tek e fundit është Drejtor i TV e jo Drejtor Gjeneral dhe nuk i ka përgjegjësitë kryesore për RTK. Shkumbini bashkë me atë psikopatin dostin e tij Arsimin i kanë qit prej pune mbi 250 vet, kryesisht raste sociale, janë tu i terrorizu krejt punëtorët e RTK, kanë keqpërdorë me rreth 400 mijë euro me procedura të negociueme të prokurimit, e kanë humb pronën e RTK-së të dhurume prej Qeverisë prej 8h tokë afër Pallatit të Drejtësisë, kanë detyru punëtorët me fallsifiku dokumenta zyrtarë e shumë e shumë keqpërdorime tjera.”, ka shkruar Shala.

Shala, ka hedhur akuza edhe ndaj atyre që reaguan për zgjedhjen e Rilind Gërvalles si drejtor i televizionit, duke i quajtur emisarë politik të Vjosa Osmanit.

“Rilindi ka mujt me qenë aktivist po së paku i sinqertë, e klani Shkumbin, Arsim, Flutra Kusari, Festim Kabashi e Gentiana Begolli përveç që janë emisarë politikë të Vjosa Osmanit janë edhe akterët kryesorë të shkatërrimit të RTK-së! Rilindi është njeri para së gjithash! Bindjet e tij politike i përkasin vetëm atij!”, ka shkruar ai.

Gjatë ditës së djeshme u bë përzgjedhja e drejtorit të televizionit të RTK-së, Rilind Gërvallës. Për këtë pat reagim të shumta, pasi që i njëjti ishte aktivist i partisë në pushtet.

Edhe dy medalje të arta – Viva Fresh, lider në cilësi, produkte dhe shërbime në Kosovë

Sponsoruar