Lajme

Reagon edhe ambasadori gjerman për seancën për presidentin

Autori: Gazeta inFokus 15:44 | 03 April 2021

Jorn RohdeRohde: Është vitale që të gjithë deputetët të marrin pjesë në seancën për presidentin
Ambasadori gjerman në Kosovë, Jorn Rohde, ka pritshmëri që deputetët të qëndrojnë në seancën që do të thirret për votimin e presidentit, e cila pritet të mbahet sot.

Rohde, nëpërmjet një postimi në ‘Twitter’, e ka konsideruar të rëndësishme deklaratën e ushtruesit të detyrës së presidentit, Glauk Konjufca, i cili ka bërë thirrje për stabilitet politik e institucional.

“Deklaratë e rëndësishme nga ushtruesi i detyrës së Presidentit. Vitale për të gjithë deputetët që të marrin pjesë në votimin e Presidentit. Bojkotimi i proceseve demokratike nuk është hap progresiv”, thuhet në postimin e tij.

-Advertisement-

Tashmë është duke u mbajtur mbledhja e kryesisë së Kuvendit, në të cilën pritet të përcaktohet orari për mbajtjen e seancës për votimin e presidentit. Afati kushtetues për zgjedhjen e të parit të vendit është deri më 5 prill.

Subscribe në YouTube: GAZETA INFOKUSI
Black Friday ne Artmotion

Të tjera