Sport

Reagon Drenica pas falsifikimeve të ftesave të lojtarëve

Autori: Gazeta inFokus 15:05 | 14 January 2021

Klubi Drenicës ka reaguar gjatë ditës së sotme, pas falsifikimeve që po bëheshin në ftesat e lojtarëve, shkruan Gazeta inFokus.

Falsifikimet bëheshin gjoja Drenica po u dërgonte ftesa lojtarëve të huaj.

Por, me anë të një postimi në facebook, ‘kuqezinjtë’ kanë thënë se nuk kanë të bëjnë asgjë me këto falsifikime, si dhe kanë njoftuar FFK-në për ngjarjen.

Më poshtë gjeni reagimin e klubit./Gazeta inFokus/

Sqarim për opinionin publik dhe mediat!
Skenderaj 14 Janar 2021
Ditëve të fundit në adresë të FC Drenica, por edhe të FFK-së, dhe nëpër instanca të ndryshme, kanë filluar serish të qarkullojnë disa ftesa false, sikurse muaj me parë. Klubi futbollistik ‘Drenica’, është në koordinim të plotë më FFK-në, në mënyrë që të gjej mashtruesit që po merren më ftesa të tilla.
Ne si klub, nuk kemi të bëjmë asgjë më këto ftesa për futbollistë nga shtete të ndryshme të botës, dhe të tilla ftesa nuk janë të bëra nga ana e KF Drenica, por nga njerëz të cilët janë të pandergjegjshëm dhe mashtrues.
Duke ju referuar situatës, KF Drenica, apelon të FFK-ja, dhe organet e rendit që të merren me rastin dhe që ta zbardhin këtë situatë, në mënyrë që emri dhe imazhi i klubit tonë dhe i FFK-së, të mos keqpërdoret nga persona të pandërgjegjshëm.
Transferimet e klubit tonë, kanë qenë, janë dhe do të jenë gjithmonë publike, dhe për çdo futbollistë të transferuar ose që jemi në kërkim si për ato vendore ashtu edhe për ato ndërkombëtare, KF Drenica, i realizon përmes sistemeve digjitale në të cilat edhe FFK-ja, ka qasje dhe i monitoron vazhdimisht, andaj jashtë kësaj, KF Drenica, nuk dërgon ftesa për futbollistë në forma të tilla siç janë prezantuar kohëve të fundit (shih foton).
Ju bëjmë thirrje edhe njëherë , FFK-së, por edhe organeve shtetërore që të merën me rastin në fjalë, pasi që edhe klubi jonë po ka shqetësime nga persona të papërgjegjshëm që po merren më gjëra të tilla, që nuk kanë të bëjnë fare me klubin tonë.
Ne jemi gjithmonë të hapur për bashkëpunim më FFK, për çdo dukuri negative që dëmton imazhin dhe reputacionin e klubit por edhe të futbollit tonë në përgjithësi.
(Në foto është ftesa e cila po qarkullon nëpër rrjete sociale dhe e-maile te klubit).
Me Respekt,
z. Ilir Veliqi
President i FC Drenica

Të tjera