Fokus

Reagon drejtori i menzës për fotografitë me krimba në ushqimin e studentëve: “Është fotografi e vjetër”

Autori: Samire Jaha 15:20 | 18 December 2024

Sot deputetja e Aleancës për Ardhmërinë e Kosovës, Albana Bytyqi, ka publikuar disa fotografi ku shihej se në ushqimin e studentëve në mensën në Qendrën e Studentëve në Prishtinë është servuar ushqim me krimba, shkruan Gazeta Infokus.

Deputetja në një postim edhe kishte shpërndarë disa fotografi të cilat ka thënë se i ka pranuar sot e ku shihen krimbat e insekte.

Por një gjë të tillë e ka mohuar drejtori i Mensës së Studentëve, Fahri Osmani.

-Advertisement-

Ai për Infokus ka thënë se këto janë lajme të orkestruara dhe se fotografitë janë të vjetra.

“Kanë qarkulluar disa fotografi në rrjetet sociale të cilat janë fake, zyrtare nga ana e studentëve asnjë nuk e kemi. Sipas disa burimeve tona ato fotografi janë të vjetra, dhe në situatën në të cilën jemi ne mendojmë se është e orkestruar dhe nuk ka të bëjë fare me të vërtetën”, ka deklaruar Osmani.

Ndryshe ai u shpreh se lajme të tilla dëmtojnë imazhin e Mensës.

“Më vjen keq që si lajm i shqetëson studentët sepse ne me të vërtetë ofrojmë cilësi të ushqimit, monitorohemi nga Inspektorati Sanitar i Ushqimit që javën e kaluar kanë qenë, bëjmë dezinfektimin e rregullt. Këto lajme të orkestruara e dëmtojnë shumë imazhin e institucionit tonë dhe studentët i vendosin në lajthitje. Studentët janë të kënaqur me shërbime”, u shpreh tutje Osmani.

Po ashtu ai theksoi se mostrat e ushqimit i ruajnë për 72 orë.

“Mostrat i ruajmë 72 orë, mund të ketë ndonjë rast të izoluar kur ushqehen 4 mijë veta, mirëpo ne vlerësohemi nga institucionet që servojë ushqim më cilësor dhe higjenik. Nuk e dimë arsyen se përse këto lajme të orkestruara. Ne kemi kontakt edhe me organizatat studentore dhe vetë studentët dhe nuk kemi pasur vërejtje serioze prej anës tyre”, tha Osmani për Infokus.

Ndërkaq deputetja Bytyqi ka thënë se Qeveria dhe Ministria e Arsimit duhet të mbajnë përgjegjësi për këtë situatë.

“Studentët janë e ardhmja e vendit tonë, dhe është turp që ata përballen me kushte të tilla gjatë kohës kur ata përpiqen të ndërtojnë një të ardhme më të mirë. Kërkesat e studentëve për kushte dinjitoze nuk janë luks, por e drejtë bazike! Qeveria nuk mund të vazhdojë të injorojë nevojat e rinisë sonë. Skandal”, theksoi Bytyqi./Gazeta Infokus/

Insekte në ushqimin e studentëve në mensë, deputetja Bytyqi publikon fotografi

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

fokus